An Husor Bughes

Post diwyethek - Sowsnek a-woles/Bilingual post - English below My re beu tamm taw dres an misyow diwedhes awos my dhe vos ow korfenna ow gradh, chanjya chi ha dalleth soodh nowyth, so nyns esa termyn dhymm skrifa war an blog ma vytholl. Mes lemmyn yth esov trevesigys y'm bewnans nowyth, ytho gwryllyn dalleth! Hedhyw y fynnav skrifa yn kott yn-kever ger a drig y'n skeusow war arvordiryow Kernow (ha'n bys oll) - franklondya. Ytho, pyth yw franklondya ? Gesewgh ni dhe vos yn tidro dhe'n geryow unnik ma. Frank - Hanow gnas a-vri yn Everybody Loves Raymond - ytho pandr'usi ow kul omma?  Na meur! Ger aral rag ' rydh ' (free) yw frank . Kesker Kembrek hemma yw "ffranc" mes nag usi devnydhyes kemmys y'n jydh hedhyw rag styrya frank/rydh . Yma ffranc  aral yn Kembrek, henn yw 'estren' po 'Frynk'. Yth yw certan y teu ' ffranc ' dew yn Kembrek dhyworth an ger 'Françe' yn Frynkek a dheu dhyworth Almaynek koth rag e...

Bilingual post, English below. _________________ Wivelshire Est ha West yn 1805. East and West Wivelshire in 1805. An Nans Seythyn yw nans ynn yn Kernow Est a dhalleth war amalow Bre Garn ha mos yn-nans dhe'n mor. Yn hwreydhek, yth o an or yntra'n keverangow East ha West Wivelshire. My a vynnas skrifa neppyth yn-kever gwreydhyow henwyn tylleryow y'n nans teg ma. Ytho, my re wrug mappa Google gans nebes kedhlow a-dro dhe leow yn hag a-dro dhe'n Dowr Seythyn - my a wra addya dhe'n mappa ma y'n termyn a-dheu. Keffrys, yma skeusennow a vappa koth (dhyworth 1803) war an folen ma. ________ Mappa a Dhowryow yn Kernow Est (dhyworth Wikipedya ). Map of  Rivers in East Cornwall (from Wikipedia ). The Seaton Valley is a narrow valley in East Cornwall which  begins on the side of Caradon Hill and goes down to the sea. Originally, it was the border between the Hundreds of East and West Wivelshire. I wanted to write about the origins of plac...

Post diwyethek, Sowsnek a-woles/Bilingual post, English Below . _______ Ytho, my re welas na bostis vy yn-kever etymologieth geryow balweyth a-dhia termyn hir. Awos hemma, my re dhewisas aga spammya unweyth arta gans istori didhevnydh geryow na wrussowgh hwi godhvos na vynnsowgh godhvos y'ga hever! Jynnji Shafta Jope dhe Val Karn Soth. Avel y lever an titel, nyns yw thema geryow an post ma an balyow aga honan, mes pandr'a hwer war warenep an Nor. Ytho, gesewgh ni dhe viajya a-dro dhe'n leuryow-gwiska ha dyski neppyth nowyth (po koth, avel yth yw)! Mar tothyewgh dhe Gernow, unn pyth a welsewgh yn lies tyller yw jynnjiow. An re ma yw an byldyansow le may feu jynnow an bal trigys yndha. Gwrys yw an ger ma a jynn ha chi. Y teu jynn  dhyworth an ger Anglo-Normanek engine , martesen dre'n Sowsnek, a dhisplegyas a-dhyworth an Frynkek Koth engine . Hemm a styryas 'sleyneth', 'konnykter' po 'jynn bell' - awos bos an re na mar junyes! An k...

Y'm post etymologieth diwettha , my a skrifas yn-kever gwreydh an erva valweyth y'n yethow Keltek.  Wel, hedhyw y fynnav kowsel a-dro dhe'n pythow a dennyn a-dhyowrth an dor. An kerrek ha monow plos na a geryn oll hag usi mar gerys, ni a vynn aga palas yn-bann en masse rag kost ughel, ow kul dhe bowdiryow Kernow ha Kembra bos pur dhesiradow. Ytho, dhe dhalleth, gwryllyn mires orth ger ha moon kemmyn, kober . An ger kober  a dheu a-dhyworth an ger Lainek diwedhes cuprum  ha'n ger Greka koth  k úpros . Awedhyans an dhiw yeth ma war yethow Europa yw godhvedhys yn ta seulabrys, ha  cuprum/ k úpros  yw ensampel da a hemm awos i a yll bos trovyes yn meur a yethow Keltek, Jermanek ha Romantek y'n jydh hedhyw. Jermanek Romantek Keltek Almaynek:  Kupfer Katalaenek:  coure Bretonek:  kouevr Iseldirek:  koper Frynkek:  cuivre Kernowek:  kober Faroek:  kopar Galisyek:  cobre Kembrek:  c...

Post diwyethek, Sowsnek a-woles/Bilingual post, English below. _______ Park Ertach Komm Rhondda myttin ma. Avel hwi a wor po na, pur dha yw genev hendhyskonieth dhiwysyansek, yn arbennik balyow ha mengleudhyow - my a adhvesas yn arenebedh Goon Brenn est, ytho eksplorya remenans an balyow koth ha dyski y'ga hever re beu darn meur a'm bewnans rag bledhynnyow. Myttin ma, ha my ow tiwrosa, my a bassays lower a dylleryow koth an Gwelyow-Glow Kembra Dyghow, ow komprehendya Nantgarw, Ferndale ha'n Lowva Lewis Merthyr (keffrys aswonnys avel: Park Ertach Komm Rhondda). Hemm, yn kesober a'm les diwettha y'n diwysyans glow, a wrug dhymm tybi a-dro dhe valweyth ha'n erva Geltek a wra mos ganso. Na esewgh ni dhe ankevi: Yma Kernow a-woles pub toll y'n dor y'n bys!  Jynnjiow koth dhe Venyon Ytho, awos bos agan le usadow yndha, y hwrav dalleth gans agan ger:  bal . Hemm a dheu a-dhyworth an ger Proto-Keltek  *kʷaleti  ow styrya palas . Y hwelir an ge...

Post diwyethek, Sownsek a-woles/Bilingual post, English below. _______________ My re vynnsa skrifa a-dro dhe'n geryow lent  hag araf  yn Kenowek ha Kembrek y'n post ma, mes nyns esa res dhymm hwilas rag hir kyn my dhe drovya an gorthebow. An Kembrek araf  a vir avel ny janjyas meur a-dhia'n peswardhegves kansvledhen, henn yw na janjyas y vir po y styr( herwydh an GPC). Ny allav trovya neshevin y'n yethow Keltek erel, ytho yma res rag an drolla a araf  dhe dhiwedha omma rag lemmyn. Pur es yw, byttegyns, dhe dresya'n ger Kernowek  lent  py a oll an fordh delergh dhe'n ger Latinek lentus . Yn revedh, nyns yw hemm an keth gwreydhen avel an ger Sowsnek " Lent " rag an gool Kristyon  Korawys . An ger ma a dheu a-dhyworth an ger lencten  yn Hen-Sowsnek a rann y gwreydhen gans an Sowsnek long  ( hir ) ha'n Almaynek hag Isalmaynek lang , hemm yw an Proto-Jermanek  *langatīnaz. Ytho, yn-keverth pyth a wrav skrifa hedhyw? Wel, neppyth aral usi ...

Bilingual post, English below/Post diwyethek, Sowsnek a-woles. ________________________ Kernowek: A-gynsow, my a welas na styr an ger Kernowek amser  an keth avel yn Kembrek. Y'gan tavas, amser  yw junyes gans p'eur a hwara verb yn gramasek, mes yn Kembrek, ev yw an ger rag termyn . Ytho, dell yw usys, my a vynnas mos a-ves dhe vys meur an kesrosweyth ha trovya moy a-dro dhe'n geryow ma. Amser  a dheu a-dhyworth an Proto-Keltek   *amsterā a styr  ‎"termyn" po "pols". Alemma, pub yeth Geltek a gemer geryow: Kernowek:  Amser   Kembrek:  Amser  (termyn) Betonek:  Amzer  (termyn) Wordhenek:  Aimsir  (termyn, amser, kewer, ebron) Godhalek Albanek:  Aimsir  (termyn, seson, kewer, ayredh) Manawek:  Emshir  (kewer, termyn, amser) Nyns yw saw yn Kernowek y kellas amser  an styr a dermyn . Y hyllir desevos y styr ev kewer y'n yethow Godhalek awos an kowethasow gans an sesonow...