An Husor Bughes

Lyther ygor dhe Sheryll Murray, Esel Senedh (E.S.) rag Kernow Soth-Est. A Sheryll Murray ker, Yn kensa, nyns esov vy ow kowsel a-barth an gemeneth Gernowegoryon, mes avel burjes a'gas pastel vro. Yn nessa, nyns ov vy an eghen a berson, neb a skrif lythrow dhe bolitegoryon dell yw usys. Gwell yw genev gwitha ow gwelyow politek dh'ow honan, wel, gwell O genev. Ev re dheuth dh'ow attendyans y hwasksowgh hwi erbyn an arghasans rag an yeth Kernowek, ha my a vynn leverel orthowgh ow bos diswaytys. My a wor bos dhe'n Parti Gwithyasel yn Westminster neppyth erbyn an minorytys Bretenek, mes my a dybis y fiewgh hwi war amal agas pastel vro. - Da lowr, nyns yw Kernow Soth-Est an le mogha Kernowek y'n dhuketh, mes a nag yw hemma an poynt? Res yw dhyn gul neppyth dhe weres tevyans an wonisogeth Gernow y'n arenebedh leel, ha'n yeth Kernowek yw fordh pur dha a wul hemma. Gans treylya henwyn stretys hag arwodhyow dhe’n Kernowek, yth eson ni

Predhek. (English below) Ny wrav vy deskrifa oll an drolla 'ma lemmyn awos ow bos pur sur y hwodhowgh hwi an faktys seulabrys, mes:  Governans Pow Sows re hedhas pub skoodhyans arghansek rag an yeth Kernowek wosa  13 bledhen.   An dewis 'ma a dheuth dy' Yow seythen 'ma wosa Konsel Kernow dhe dhannvon y ombrofyans bledhynnyek rag an arghasans a   £150,000 a-varr y'n vledhen  . An yeth Kernowek re beu gwithys gans an Chartour Europek rag Yethow Ranndiryel po Bian a-dhia 2003, pan skoodhyans arghansek an governans a dhalathas. Hwi a yll sina petisyon erbyn an dewis 'ma omma: https://petition.parliament.uk/petitions/128474 Mes an hwarvos 'ma re wrug dhymm tybi a-dro dhe ble ha fatel yma'n governans Breten ow kwastya arghans ha pygemmys mona yw hemma? Awos ny gyv an yeth Kernowek saw   £150,000 an vledhen, po dhewgh ha dhymm, pris a nessa chi y'n Kernow dhe lower a bolitegoryon... Wel, nyns esa res dhymm hwilas yn lower.  Herwydh an Daily

Nebes ahanowgh a alsa godhvos bos da genev an "Eghen Gothek" - Da yw genev drehevyansow, dillas, ilow, drollow ha poubtra a-dro dhe'n eghen 'ma (mes ny dhyskis vy an yeth Gothek hwath). Unn pyth gothek eus pur dha genev yw bardhonek "An Vran Vras" (The Raven) gans Edgar Allan Poe. My re assayas dh'y dreylya dhe Gernowek lieskweyth, mes y'n gwettha prys my re fyllas pub assay my re'n gwrug. - My a dhalathas versyon nowyth myttin 'ma, mes re dhrog o ev, ytho my a'n dileas. Mes ny vynnis vy bos fethys an dro 'ma, ytho my a dreylyas linen a vri dhyworto. Ow versyon Kernowek: Down y'n tewlder 'na ow mires, hir sevis 'na, owth omwovyn, ania, toutya, ow hunrosa avel marwel na hunros'sa bythkweth kens. An gwreydhek : Deep into that darkness peering, long I stood there, wondering, fearing, doubting, dreaming dreams no mortal ever dared to dream before. Ha my a dyb y vos tyb

Ow eghen drudh a ilow yw metol. Nyns esov vy 100% sur prag, mes pypynnag. Yma hwans dhymm bos yn bagas metol keltek a gan in Kernowek ha Kebrek (an problem yw ma na yllav kana po gwari daffar ilow yn ta) Dell, yn spyrys ow hwans, my a wra treylya nebes kanow dhe Gernowek. (My a wra folen nowyth wosa my dhe dhyllo an post 'ma). Piw a wor, martesen nebonan a wra dalleth bagas metol Kernowek - ev re beu gwelys fatel yllir gweres yeth dre'n eghen ilow 'ma - moy a bobel re beu ow tyski Finnek po Swedek dhe wallos konvedhes an ilow.