An Husor Bughes

English below. Termyn hir heb post formel !  Ny allav vy perthi kov a'n diwettha tro may skrifis vy post blog rag ow gwiasva ma. My re dhyllas nebes bardhonegow ha treylyansow dres an misyow (ha martesen bledhynnyow!) diwettha, mes post a'n par ma? Piw a wor! Hedhyw y feu dyllys gans Governans Kembra bos an alhwedhans omma ow pos ystynnys gans teyr seythen aral, avel gorthyp dhe pandemik durus Kovid-19. Ha kepar ha peub erel y'n wlas (hag y'n bys), skwith ov a'n gortos a-ji oll ma. Ny wrug vy gasa'n chi a-dhia mis Kevardhu yn hwir, ma's godrigans orth shoppa unweyth pub seythen po'm omober a esir gans an governans, hag yma ow fenn kloudyes gans skrinyow ha nowodhow drog.  Ytho, my re dhewisas skrifa a-dro dhe dreylyans a wrug vy delergh yn mis Ebrel warlena, yn kres an kensa alhwedhans kenedhlek, ha kowsel a-dro dhe braga y'n wrug, h.e. Yth esov owth assaya neppyth nowyth omma, yn unn gomprehendya kevrennow dhe folennow war Wikipedya - y fydh an kevr

Nyns ov vy movyans bras a gren brastir an mor Nyns ov saw morvil glas ow neuvya yn an dowr Ow lost yw tonn an lanwes A drapp an tewes gwynn Ow heyn yw mena kres Orth holya livyow tynn Ow hwethdoll fenten skiens Y flowsya pell a'n tir Ow lesa a-hys an hens dhe dhiwedh viaj hir Ow lagas morverk kellys Banna yn-mysk an blou a ros yn Atlantek mas Honan heb arwodh tu Nyns ov vy movyans bras Po gwayans dowr an bys Nyns ov saw morvil glas ow mordardha'n lanwes