An Husor Bughes

 #MiSkriBa a dhur ha hedhyw yth esa an brassa chalenj a'n promptys skrifa bys dhe lemmyn, gwari gen rim. Res o dalleth dre wul "gerva" a dheg ger sempel, un po diw syllaben. Y talvia'n kensa pymp omdhesdha gen an pymp sens; an nessa tri a dalvia bos henwyn pythek, ha'n dew finek a dalvia bos verbow. Dhana res o trovya geryow dhe rimya gen an re ma. Rag my dhe rimya yn lies onan a'm bardhonogow, y tewisis addya chalenj personel aral hedhyw ha henna o skrifa yn unn dhevnydhya cynghanedd  - eghen arbennek a rimya a-bervedh yn linennow po geryow aga honan, dre vras yth yw devnydhyes hemma yn bardhonieth Kembrek. Nyns esov vy arbennegor gen cyngahnedd vyth oll, ha kyns hedhyw ny skrifis vy saw nebes linennow bian. Nyns yw perfydh an ensampel ma, mes dalleth yw ragov hag yn sur y fydhav owth assaya gen hemma arta y'n termyn a dheu.  Yma diw skeusen omma hedhyw, onan a dhiskwedh ow gerva ha'n rimyow (selyes war bennrewl cynghanedd draws ), ha'n aral a dh...