An Husor Bughes

Yn le ow kul ow ober rag an pennskol nyhewer (wel, my a'n gwrug yn ow fowes), my a dreylyas an Oula ha'n Kathik  gans Edward Lear dhe Gernowek ragowgh! Omlowenhewgh! Klyckyewgh omma dh'y redya!

Yma lower a gothmans fals* y'n bys, ha treweythyow yma nebes hwarthus. Ytho my re dhewisas aga ranna genewgh pan wrav aga throvya. :p Kembrek (Welsh) : gwên - minhwarth (smile) Cornish: gwenn (arsehole/anus) Ytho, "Dwi'n licio dy wên" (da yw genev dha vinhwarth) ha "Da yw genev dha wenn" a styr pythow pur pur dhiffrans, kyn hyll an dhew kodha yn-dann an klass a flyrtya! *Kothmans fals yw geryow a apper haval yn dhew yeth, mes yma styr diffrans dhedha.

Ow mires delergh a-dro dhe pedwar vis, my eth ow kerdhes war an woon gans an ki rag eksplorya remenans an Bal Nans Margh. _______ Tamm a gedhlow Herwydh an lyver History and Progress of Mining in the Liskeard and Caradon District  a 1863, bal kottha an ranndir yw an bal ma dres lyckod, ev veu oberys rag an kensa tro "nans yw nebes 35 bledhen" - hemma a styr yth ygeris ev yn 1827 po 1828. Yn anfeusik nyns eus nebes kedhlow yn-kever downder an bal ma, mes ni a wor yth eth ev a-dro dhe 700 gorhys dhe'n est a Resdhown West ( West Rosedown ) hag o 300 gorhys ledan a north dhe soth. Yth esa assays dhe eyl-ygeri an hwelyow omma y'n 1970ow hag y hyllir gweles nebes remenantow a'n eyl-oberans ma y'n nans (mes ny yllis vy aga throvya yn-mysk oll an reden!) My re glowas war an 'gwinbren grappa' bos chons a'n bal ma owth eyl-ygeri (arta) y'n termyn (hir) a dheu, mes ny yllav kofhe an le a drovis an kedhlow ma, ytho nyns yns lower a dhevnydh dhyn lemmyn