An Husor Bughes

Yow peub, hedhyw yma'n howl ow splanna, an ebron yw glas hag ottomma vy owth esedha a-ji. PRAG? whi a wovyn, gans dagrow y'gas lagasow. Ow gradhassay (dissertation) yw an gorthyp. Res yw dhymm skrifa 6,000 ger yn Almaynek kyn mis Gwynngala. A-dro dhe byth? yw agas nessa govyn. Titel ow gradhassay yw: "Wie versuchte die Deutsche Reichsbahn den Sozialismus zu unterstützen?" Ragowgh whi ny gows Almaynek, yn Kernowek yw: "Fatell a drias Hyns-horn an Empir Almaynek  dhe skoodya socyaleth y'n Republik Demokratek Almayn?" Lower a wari yw! (wel, dhymmo vy, pypynnag).  Ow foynt yw, my a'y skrif pub dydh ha nyns eus lower a dermyn dhymm dhe wul an pythow erel y fynnis gul an hav-ma. Unn pyth war an rol o "dyski Rewenysek", my re drias dyski Rewenysek dherag ha nyns esa'n termyn dhymm dh'y hedhes. My a dybas y pia termyn hav-ma dh'y wul awos yeth kales yw Rewenysek hag ev a wra kemeres lower a dermyn, termyn nyns yw dhymm

Yow peub, my re beu pur daw a-gynsow, my re dheuth delergh dhyworth Almayn, re dhallathas ow skrifa ow gradhassay ha re wrug kavos soodh an hav ow tyski Sowsnek dhe bobel Frynkek byghan (my re beu pur vysi!) Pypynnag, seythen-ma yw Seythen Kowsel Kernowek, yma lower a dharvosow pub dydh ha'n erel. Unn darn a'n seythen yw #Fylm10s, pobel a wra gwydhyow 10 sekond a'ga honan ow kowsel Kernowek ha'y ugh-karga dhe YouTube. Yma lower a wydhyowyow war an folen Facebook Maga , mes ottomma ow gwydhyowyow, pur dha yw (just rag agas kedhlow). Moy a gedhlow a-dro dhe Seythen Kowsel Kernowek omma . bys an termyn nessa!