An Husor Bughes

Bilingual Post, English below/Post diwyethek, Sowsnek a-woles. Seythen ma, yth en vy yn lyverva an bennskol ow kul nebes redya rag ow assayow. Ha my ow hwilas dre'n lyvrow, y trovis vy neppyth koynt. Lyvryn vyghan henwys " A Handbook of West Country Brythonic: The Forgotten Celtic Tongue of South West England. c.700 AD ('Old Devonian') " esa skrifys yn 1996. Homm yw lyvryn a dheskrif Yeth Brythonek Gwlas an West po Dewnensek esa kowsys nans yw nebes yn 1,300 bledhen yn Dewnens ha Gwlas an Hav.  Dastrehevys veu an yeth dre dhevnydhya Kernowek, Bretonek ha Kembrek an keth pols ha pur dhidheurek yw an tybyans. - My a yll kofhe gweles nebes gwiasva yn-kever an yeth dhastrehevys unnweyth, mes ev a apper dhe vos gyllys y'n eur ma.  An Pader yn Dewnensek Koth. My a vynnas gweles fatel gehevel an yeth ma dhe Gernowek ha Kembrek, mes nyns esen vy certan fatel dalvien gul hemma, bys hedhyw. Hedhyw, yth esen ni yn arghyvow an bennskol rag dyskans ha my a

Bilingual post, English below/Post diwyethek, Sowsnek a-woles. Yn hwir, an termyn re dheuth. Ytho, alhwedhewgh agas yer ha'gas fleghes, mar pe nebes dhewgh, ha gyllyn kowsel yn-kever... an Best!  Marth yw genev pub prys a gowsav gans nebonan na glowas yn-kever Best Goon Brenn - dell yw usys, hemm a hwer ha my ow kowsel gans pobel na dheu a-dhyworth Kernow hweg awos treweythyow my a ankov yth eksistons (oups). Mes a dro dhe dro, my a vet gans Kernowyon na wor yn y gever, ytho ragdha oll yw an post ma - ha henn yw an acheson y vos diwyethek keffrys nag usi usadow rag ow fostow a-dro dhe Lien Gwerin. Pobel na wor moy es y hanow a dyb y vos neb eghen a euthvil po fantom, mes kath wyls du bras yw yn hwir a stalk gonow ughel Kernow North hag Est.  Derivasow a enevales bargen tir ledhys ha mutiletyes, avel deves ha bughes, a dhallathas ow tos a-dhyowrth arenebedh Goon Brenn y'n 1960ow (ish). Erbyn 1995, y fia dres 60 gwelans a gath avel pantha esa tri dhe bymp tros-hys

In Cornish Only, use the links below to learn more about Knockers in English. Kravlostow,   Knouckyers  po Knockers  (yn Sowsnek) yw eghen a dus byghan usi trigys yn-dann an dor yn balyow Kernow. Leverys yw gans nebes pobel aga bos spyrysyon Edhewon esa danvenys dhe oberi y'n blayow sten avel kethyon gans an Romanyon ha ny'ga klowir owth oberi war dhydhyow Sadorn po golyow Edhowek erel. Trovyes yw an Kravlostow awos aga hana ha'ga bonkya. Tus bal a dyb bos an sonow ma arwodh a jons da awos wosa i dhe vos klowys, trovyes yw beghow a voon da. Mars yw golow splann gwelys war nivelyow koth an bal, certan yw y fydh moon da trovyes ena ynwedh. Pur hager yw Kravlostow, avel Spyryjyon , hag i a yll bos pur fell, mar nyns ymons dyghtyes yn ta. Hengov yw rag tus bal dhe ri kresten aga hwiogennow dhe'n gravlostow. Hogen hwibana a yll aga divlasa! Yma drolla yn-kever den henwys Tom Trevorrow a leveris dhe'n gravlostow hag ev owth aga klowes: "bedhewgh tawel ha

Post diwyethek, Sowsnek a-woles/Bilingual post, English below. __ Bydhewgh parys, yma marth ow tos, yth eson ni ow pesya dhe gowsel yn-kever geryow balweyth! Mes nyns yw henn re dhrog, ywa? Hedhyw y hwren ni viajya dre val Kernewek ha mires orth nebes geryow usi ena. Shafta dhe Val Karn Soth re dhiskaras. An metol yw remenant an kappa. Ytho, gwryllyn dalleth ha mos down y'n dor yn-nans an shafta . Yma nebes leow a yll servya avel gwreydhen an ger ma, wosa'n Proto-Eyndo-Europek skapos  usi tamm apert. An kensa a alsa bos Latinek, gwreydhen lies ger Brythonek, gans an ger scapus . Ev yw ogas dhe'n ger Proto-Eyndo-Europek, mes yn anfeusik ny withas y styr gwreydhek. Ev a janyas dhe vos an ger scape  (shafta koloven) yn Sowsnek. An nessa, ha gwreydhen gwirhavalla, yw an ger Proto-Jermanek skaftaz . Hemm eth hag o an ger Sowsnek Koth sceaft  kyn ev dhe vos and ger Sowsnek Kres hag Arnowyth shaft . Hemm veu asvebys dhe Gernowek, moy po le. Mes, fatel yllyn bos cert