An Husor Bughes

An 31ves a vis Hedra, yma dhodho lies hanow a-dreus dhe'n bys Keltek: Calan Gaeaf, Oíche Shamhna, Samhain, Hop-Tu-Naa, Hallae E'en - yma kemmys dewis! Yn Kernow, y solempnyn Kalan Gwav ha Gool Allan war dhydh finek mis Hedra ha ni ow tynerghi mis Du. Mes nyns yw hemm termyn rag drehevel an varowyon po mos a-ves ha govyn estrenyon rag melyssandys. Kalan Gwav a verk diwedh koth an vledhen Geltek keffrys ha treweythyow an drevas. Yn Kernow West, avallow rudh po "Avallow Allan" a veu res dhe eseli an teylu rag feus, nebes mowesi a'ga gorras yn-dann aga fluvogow kyns i dh'aga dybri rag kawsya hunrosow yn-kever aga huvyon kolon a dheu. Gwriow a veu keffrys. Piw na glowas yn-kever an gwari klassek a-dhyworth Lulynn West: diw astal a veu kentrys war-barth ha kantollow gans golow a veu gorrys warnedha. Dhana y feu avallow kregys a-dhyworth an frama ma ha'n pyth oll a veu kregys a-dhyworth an nen. Amkan an gwari ma o dhe gachya'n avallow heb gasa'n kor t...

Kesunyans An logel ma a dewes heyl le may rewlyas tus an lanow na dhassen namoy dhe dheverans an dowrow po skath-donn s kav a skathow a dremen an chambour gorhelys gans fawen. Hen yetys dar yw remenant eskernek a'ga gallos kens, aga ober na wrys a'ga diswrug ha'n leys a arm dasson a'ga foder syger, yn-dann an pons ha der an pyl yger. Koselder a drig yn segh omma le mayth esa kan an karn Lemmyn na gik na rogh jynn yw klowys dre'n spern. ananiys saw gans golgh an ydhyn ha movyans boghes a donn glawen. An tewes kelmek a avlever an dager kamm a dhisliw yn uskis dres arenep fug a dreyl dhe vlou, y'n gormdra yn-dann vockas mirourys a dhowrow kellys ha'ga spyrys. Beghys yn strooth yw'n lergh ynter avonsyansow koth ha nowyth, mes natur yw a bergheneg hy hen goweth, gans hy gwels gwer gwentonnek yr y tregh dredho avel tollow yn ben kough. An menweyth anventenys a vrows ha bryckys growan a dreyl delerg...

English version below/Versyon Sowsnek a-woles An bravva klok du ma, fastyes gans kadon owr, yw poos a-dro dh'ow honna avel lien wosa glaw drog. Ow herdhya war-nans war ow skodhow avel kofheans sad y lok dannvenegys. Y lostow pali a sav yn jentyl war awel tomm an hav hag yth ankevav. Ogh mes y dewlder a drig hwath yn kornellow ow dewlagas, orth ow holya avel figur skeus a'm hunlevow, ow lettya'n golowys ha tenna ow attendyans. Mes y dhiwiska a via koll a neppyth mar deg ha splann, gwrys gans an amal aral. Unnik yn y dekter ha honen a wel, mar ollgemmyn y halsa bos kerth nebonan. Mes ottomma ow hlok du, omdhesedhys dhe bub gwisk, pub desedhans. Difresyans a'n tomder ha'n glaw, an howl ha'n kloud. Ottomma ow hlok du, ha my a'n gwisk gans gooth moredh. ____ This finest black cloak, fastened with a golden chain, weighs heavy around my neck as a scarf after heavy rain. Pushing down on my shoulders as a constant reminder of its understated pre...

Bughes Wosa an viaj hir y fynnas Luke mos rag kerdh dhe-ves a'n dreveglos. Kas o ganso an powdir. Yth o re dewal ha nyns o nevra sinell luck war y gonnyk-kodh. Ha'n blas! Ass o kas ganso va blas an le ma; mon ha glos. Mes ev re ambossa dy' golyow dh'y wreg wosa ev dhe oberi dres lies pennseythen ha hwarvos aral. Heb mar, ny via owth oberi. Mes gwell o ganso leverel gowyow orth Rachel es an gwiryonedh y vos ow kavos negys karnal gans y dharbarores. Hi re welsa nebes messajys war y gonnyk-kodh, Rachel, mes yth o moy po le certan na'ga onderstondsa.        I re dhothya an nos kyns hag a-dhia nena ny wrug ev receva tekst po Whatsapp mann dhyworth Claire po nagonan aral a'n bys gwir gans henna. Ev a leveris dh'y wreg bos hwans dhodho rosya ha gweles an dirwedh. Temmik yn-mes a'y nas o hemma, byttegyns ev re wonedhsa'n has der an seythen gyns y vos yntanys dhe assaya hobis nowyth, avel kerdhes ha rosya, ha gul an gwella a'n desedhans anaswonnys. H...

Post diwyethek - Sowsnek a-woles/Bilingual post - English below My re beu tamm taw dres an misyow diwedhes awos my dhe vos ow korfenna ow gradh, chanjya chi ha dalleth soodh nowyth, so nyns esa termyn dhymm skrifa war an blog ma vytholl. Mes lemmyn yth esov trevesigys y'm bewnans nowyth, ytho gwryllyn dalleth! Hedhyw y fynnav skrifa yn kott yn-kever ger a drig y'n skeusow war arvordiryow Kernow (ha'n bys oll) - franklondya. Ytho, pyth yw franklondya ? Gesewgh ni dhe vos yn tidro dhe'n geryow unnik ma. Frank - Hanow gnas a-vri yn Everybody Loves Raymond - ytho pandr'usi ow kul omma?  Na meur! Ger aral rag ' rydh ' (free) yw frank . Kesker Kembrek hemma yw "ffranc" mes nag usi devnydhyes kemmys y'n jydh hedhyw rag styrya frank/rydh . Yma ffranc  aral yn Kembrek, henn yw 'estren' po 'Frynk'. Yth yw certan y teu ' ffranc ' dew yn Kembrek dhyworth an ger 'Françe' yn Frynkek a dheu dhyworth Almaynek koth rag e...

Dhyworth hy tholl y teu yn lent, an golow ow leski ha kann. Owth omwen yn an gwirder ma, ny wor hy drollow hwath. Dre'n mostedhes y kram, dre'n leys, pri ha stag, ow kasa lost lastedhes a dhorn an re bian. Ny vir delergh orth an strol ha deray, owth assaya ygeri'n eskelli ha neyja dhe-ves. Lettyes gans hy honan mes ow neyja pypynnag, y tyb hy bos di-varow mes ny vir yn-rag. Ma lowarthoryon gans gassys ha posyons ow klanhe'n disesys dhe-ves. Pandr'a hwer? An best a wra neyja mes ple tir arta? Marow po byw? Termyn a-dheu po gyllys? Delergh yn hy tholl hy fow 'dann an dor ow tolla yn tu ancertan. Govenek ha vansyans. Avel pub Teurogen Me dha y tehwel.

In Cornish Only, use the links below to learn more about Buccas  in English. "Mebyon Pennsans yn-bann yn gwedhen, Ow mires avel y'ga meyn; Bockas Lulynn mar grev 'vel dar, orth aga frappya bys y'n dor." (Sowsnek gwreydhek a-woles) Bockas yw spyrysyon a drig ryb tenewen an mor yn Kernow. Krysys yw y teu'n ger a-dhyworth "puca" yn Sowsnek Koth usi keskelmys gans "pokker" (Jowl) yn Norgaghek a-lemmyn. Kampellys yns yn  Gwrians an Bys  avel "bucca". Y'n 19ves kansvledhen, y fynnsa pyskadoryon gasa puskes war an tewes rag an bocka. Dhe bols an drevas, y fynnsens tewlel darn a vara dres aga skodhow kledh dhe brys-li ha diveri lagyans a gorev war an leur. An gwriansow ma a surhas chons a feus da war an mor. Yn tir, dhe fleghes y feu leverys y tothya'n bocka ha'ga kemeres dhe-ves, mar ny stoppsons kria. An bocka feusik a veu henwys "Bocka Gwynn" (Bucca Gwidden) ha'n bocka drog a veu henwys "Bocka ...