An 31ves a vis Hedra, yma dhodho lies hanow a-dreus dhe'n bys Keltek: Calan Gaeaf, Oíche Shamhna, Samhain, Hop-Tu-Naa, Hallae E'en - yma kemmys dewis! Yn Kernow, y solempnyn Kalan Gwav ha Gool Allan war dhydh finek mis Hedra ha ni ow tynerghi mis Du.
Mes nyns yw hemm termyn rag drehevel an varowyon po mos a-ves ha govyn estrenyon rag melyssandys. Kalan Gwav a verk diwedh koth an vledhen Geltek keffrys ha treweythyow an drevas. Yn Kernow West, avallow rudh po "Avallow Allan" a veu res dhe eseli an teylu rag feus, nebes mowesi a'ga gorras yn-dann aga fluvogow kyns i dh'aga dybri rag kawsya hunrosow yn-kever aga huvyon kolon a dheu.
Gwriow a veu keffrys. Piw na glowas yn-kever an gwari klassek a-dhyworth Lulynn West: diw astal a veu kentrys war-barth ha kantollow gans golow a veu gorrys warnedha. Dhana y feu avallow kregys a-dhyworth an frama ma ha'n pyth oll a veu kregys a-dhyworth an nen. Amkan an gwari ma o dhe gachya'n avallow heb gasa'n kor tomm dhe dochya'n enep ha'n frama ow treylya. - Ytho versyon dyffrans a "Apple Bobbing" yw.
Rann bosek a Galan Gwav o dargana'n termyn a dheu. Onan an re ma o deveri plomm teudhys dre doll yn alhwedh daras a-rag. An furvow esa gwrys gans hemma a veu devnydhyes rag darleverel piw a via dha gerensa po pandr'a via y soodh. Darnow a baper gans henwyn warnedha a veu gorrys yn kres pelyow motedhes. Gorrys a veu an re ma yn kelorn down a dhowr. An kensa hanow a dheuth dhe'n arenep o hanow an person dhe vos demedhys. Alhwedh an daras a-rag a veu kelmys gans garter garr yntra diw folen an Bibel a-dhyworth chaptra yn Kan Solomon. Synsys a veu war an bys rag, pan veu leverys hanow an kuv kolon y fynnsa'n darn omdreylya.
Enepow a veu treghys yn lugarnow-turnypen avel yth yns yn pompyons Halloween an jydh hedhyw.
Kenwesow a veu synsys yn fenowgh war galan mis Du yn pluwow dres Gernow.
Hemm oll a glow avel parti pur hweg - Martesen y prenav turnypen hedhyw...
________________
Kedhlow dhyworth "Folklore and Legends of Cornwall" gans M.A. Courtney.
Mes nyns yw hemm termyn rag drehevel an varowyon po mos a-ves ha govyn estrenyon rag melyssandys. Kalan Gwav a verk diwedh koth an vledhen Geltek keffrys ha treweythyow an drevas. Yn Kernow West, avallow rudh po "Avallow Allan" a veu res dhe eseli an teylu rag feus, nebes mowesi a'ga gorras yn-dann aga fluvogow kyns i dh'aga dybri rag kawsya hunrosow yn-kever aga huvyon kolon a dheu.
Gwriow a veu keffrys. Piw na glowas yn-kever an gwari klassek a-dhyworth Lulynn West: diw astal a veu kentrys war-barth ha kantollow gans golow a veu gorrys warnedha. Dhana y feu avallow kregys a-dhyworth an frama ma ha'n pyth oll a veu kregys a-dhyworth an nen. Amkan an gwari ma o dhe gachya'n avallow heb gasa'n kor tomm dhe dochya'n enep ha'n frama ow treylya. - Ytho versyon dyffrans a "Apple Bobbing" yw.
Rann bosek a Galan Gwav o dargana'n termyn a dheu. Onan an re ma o deveri plomm teudhys dre doll yn alhwedh daras a-rag. An furvow esa gwrys gans hemma a veu devnydhyes rag darleverel piw a via dha gerensa po pandr'a via y soodh. Darnow a baper gans henwyn warnedha a veu gorrys yn kres pelyow motedhes. Gorrys a veu an re ma yn kelorn down a dhowr. An kensa hanow a dheuth dhe'n arenep o hanow an person dhe vos demedhys. Alhwedh an daras a-rag a veu kelmys gans garter garr yntra diw folen an Bibel a-dhyworth chaptra yn Kan Solomon. Synsys a veu war an bys rag, pan veu leverys hanow an kuv kolon y fynnsa'n darn omdreylya.
Enepow a veu treghys yn lugarnow-turnypen avel yth yns yn pompyons Halloween an jydh hedhyw.
Kenwesow a veu synsys yn fenowgh war galan mis Du yn pluwow dres Gernow.
Hemm oll a glow avel parti pur hweg - Martesen y prenav turnypen hedhyw...
________________
Kedhlow dhyworth "Folklore and Legends of Cornwall" gans M.A. Courtney.
Comments
Post a Comment