Skip to main content

Kothman a welav


An loor a sedh
Yn an tir le mayth esov ow rosya, 
kothman a welav nag aswonnav 
a worwedh heb movya. 
Y galmynsi koynt a verkyav
yn-dann an bora krev.

Ankow y'n gwels.
Harow! Kyns an jydh dhe vones skwith. 
Ow leuv a ystynnav yn y du, 
mes dhymm ny dhehwel vyth.
Y kwaytyav mes nyns yw
Hag y hwortav rag pols.

Neshe a wra
Enep a vans y'n dor hag avon.
Dewlagas a lagatt heb gweles,
ow herth po kerth estron?
Byttegyns furv y'n pri yw gesys,
Olow troos avel kragh.

Ha der an hwenn
Darnow a'n kothman a-ves a'n bedh
a elow dhymmov a nes ha pell.
Ogas ha'ga diwedh,
eskern horn a vinhwarth yn fell.
Ny dalvia gul gwen.

Ankow a hol
Koweth dienev hir tremenys,
devnydh a fyllas yn y vewnans,
govenek o kellys.
Pubtra an keth yn y vernans
hag ow kortos yn toll.

Hag ystynn leuv
Hag yn ow dorn vy ny dheu bythkweth
hag y leuv dhigneus na drovyav vy.
Kontron a dhyber hwath
oll a wort, dhorta va ny fi.
Avello byth ny veuv.

Koskys y'n Gwav
Y preyn, kyn fo gweladow mes dall,
kothman a welav nag aswonnav.
Ow thenkys gehaval,
gwelys; merwel ha vansya 'wrav.
Ha dhe-ves y ponyav. 

Ankow a'm hol.





Comments

  1. Manawydan18 December 2019 at 08:56

    Hou! Pur dha yw genev dha gan: ma va orth ow hofhe a hunlevow a veu genev. Pana vusur yw hi? Po a wrussta hy dysmygya dha honan?
    My a scrifas eglynow souder (englynion milwr y'n Kembrek?) nanj yw seythen: https://linusband.wordpress.com/2019/12/13/an-niwl/
    My a dhalethas scrifa taclow war ow blog ow honan arta. Yth esov owth assaya y wul pub dy' Gwener. Nebes cotta yw ow scrifow, byttegens xD
    (Ryb an fordh: happ didheurek yw yn-wedh ni agan dew dhe dhevnydhya skeusen niwl war agan bloggys.)

    ReplyDelete

Post a Comment

Popular posts from this blog

MiSkriBa 25 - 03/04 - Deray

Tressa assay MiSkriBa 2025 gen an prompt a skrifa bardhonek a dhispleg yn andhidro prag yth os bardh ha na par aral a artydh. Ny wonn mars yw ow assay andhidro, mes y'n dallathis dhe gwartrons dhe hwegh an myttin ma ha'y worfenna wosa gorthugher kerens y'n ober, ytho... The third attempt at NaPoWriMo 2025 with the prompt of writing a poem that obliquely explains why you are a poet and not some other kind of artist. I'm not sure how oblique my attempt is, but I started writing at quarter to six this morning and finished after parents' evening at work, so... Deray My a gar "art". Pub eghen a "art". Pub blas yn kist tesennow "art". My a vynn gul "art", Avel peber "art". Mes py par? Ilewydh yw mester Gen gitar ha band Ow kana hag ow seni Kanow ha sonyow Rag delit an bys. Ottena "art" Ha my bardh. Dramasydh yw mester Gen skrif ha gwisk Ow pewhe pub ger Playys ha gwariow Rag sordya'n brys. Ottena "art...
1 comment
Read more

An Jydh Finek

Ottomma treylyans a romans Kembrek Y Dydd Olaf gans Owain Owain, esa keffrys awen rag plassen 2014 a'n keth hanow  gans Gwenno . Deskrifans:   An drolla a hol den henwys Mark dre rannow a'y dhydhlyvrow ha lytherow a recevas ganso dres an 20ves kansvledhen ha Konsel an Brederedh, governans kepar ha broder bras, ow mos ha bos moy powerus. An konsel ma a ynni tus dhe gowsel aga yeth fug dre dhevnydhya rayys studhhe a vynn Mark skapya anedha ha gweres orth diwedha'n termyn distopek ma a dheu. Kedhlow Pella: Y rer an romans ma heb kost war furv e-Lyver. Y hwodhor gras dhe deylu Owain Owain a asa y dreylya ha'y dhyllo yn Kernowek. Y hyllir redya'n romans ma y'n restren dackyes a-is, po y iskarga avel PDF po EPUB dh'y redya war redyor e-lyvrow. Ynwedh, y komprehendir kevren dhe'n romans Kembrek derowel. Iskarga: An Jydh Finek - PDF An Jydh Finek - ePub Y Dydd Olaf
Post a Comment
Read more

MiSkriBa 25 - 01/30 - Korsen

 Otta ni, MiSkriBa nowyth ha vyvy heb postya omma a-dhia'n diwettha mis Ebrel! 😬 Mes bledhen aral, assay aral. Hedhyw an prompt o skrifa bardhonek a dhevnydh terminolieth ilow po art na wodhyen vy kyns, ytho y tewisis vy "korsen".  Here we are, another NaPoWriMo and I haven't posted here since the last one! But another year, another try.  Today's prompt was to write a poem using music or art terminology that is new to me, so I picked "kinetograph".  Korsen Y kopi kors Y kway an kowr A gemeras.  Dre dan den Daffar delit Hag a hag a.   Lost y lergh Yw bysyel bras Yn tibenn skwith. Kinetograph   It copies movement  It moves the giant  That took.  Through human fire Gears of joy Which go and go.  The route of its queue So digitally grand Endlessly tired. 
1 comment
Read more