Yow oll,
Dydh Mergher, an pymthegves a vis Ebrel 2026 Wednesday, the fifteenth of April 2026
Prompt - Eskerdh a-dro dhe'n stock / Expedition around the base (Poetry Society)
Bewnans anweladow
Yn gis an asfalt nowydh
A glowir der an veister.
Chiow kroglennow deges
Ow mires yn kas orth tremenysi
Dell welir yn an mirour.
Arghow gorheryow lows
A glapp dydh aral kellys
A nakevir prys wosa prys.
Kan jynn karr ha ronk kyttrin
A rol yn loos dre dermyn
Na niverir vel viajys gwir.
Gwedrow ster a wel an loor
Yn goos seudhelyow divegh
Dell dhonsir garrow trist.
Ke prennyer dur a wra milva
A vys breek istori
A holir gen bewnans anweladow.
Dydh Yow, an hwetegves a vis Ebrel 2026 Thursday, the sixteenth of April 2026
Prompt - Deskrifa neppyth heb min / Describe something without a mouth (NaPoWriMo)
Goon Brenn
An karnow ughel re dhonsyas gen an gwyns
Ow troyllya ha treylya
Ow lemmel ha leska
Yn hwodhevus.
An gwelsennow glas re dennas an ebron
War-nans a'y sedh
War-vann a'ga sedh
Yn hwodhevus.
An goverow bian re seghhas an glaw
Hag an kreun yw gwag
Hag an kneus yw gwag
Yn hwodhevus.
Dydh Gwener, an seytegves a vis Ebrel 2026 Friday, the seventeenth of April 2026
Prompt - ow trehedhes an loor / reaching the moon (The Poetry Society)
ow trehedhes an loor
My a'n nes,
Karrek loos y'n efanvos,
Tir avonyow doust
Hag a fros er-bynn
Laghys gravedh,
Y fynnav tira
Ha tenna ow lester
Der ewon polter
An dowr tewes.
My a vydh Columbus
Ha dovhe'n vro wyls
Hag a gosk yn skeus
An norsedhes yeyn,
Ow kemeres kovyow
Ha gasa olow treys
Rag perghenegi hemma
Hag yw tylys dhymm
Gen sleyneth an re
A dheuth kyns vy.
Y'gan nes,
Dyjyn kann y'n efanvos
A-ugh an dirwedh vool,
Shapyes gen
Gwyns an howl,
Y hwra tira
Wosa herdhya tan
Anodho ha leski
Losow medhel
A'gan tre.
Hag anodho y kamm furv
Hag a wisk planet owr
War hy fenn rond,
Ow terlemmel y'gan tu
Ha ladha trevas
Agan kerrek bian,
Y kows gen bipys
Ha goslowysi munys a bub liw,
Hag yn hy leuv
Yma gonn
A seth wolkomm.
Dydh Sadorn, an etegves a vis Ebrel 2026 Saturday, the eigteenth of April 2026
Prompt - Prompt vyth usyes / No prompt used
PTSD ha Pens
Tros yn tregh ow fenn
A gleudh kovyow
Ow bewnans kyns,
Ha my bian ha leun
Tybyansow, siansow,
Skiansow kellys
A vydh,
My a hol ow ferthyansow
Ha'ga lenwel gen levow lel
Hag a'm lenwis vy.
Yth yw re.
Ha lemmyn,
Na pell a-wosa,
Yma y'm sagh gwer
Daffar ledrys,
Hwath ow tegi
Begh ow hwedhlow.
Dydh Sul, an nownjegves a vis Ebrel 2026 Sunday, the nineteenth of April 2026
Prompt - Gwelboynt Meblen / From the point of view of furniture (Poetry Foundation)
An Voos Koffi
My re'th hwelas
orth kemeres an desen finek,
My re'th klowas
orth hanasa dha eryow edrek,
My re'th tochyas
orth skubya'n prennyer ponnek,
My re'th redyas
orth mollethi a'm furv bedrek,
My re'th skoodhyas
orth powes dha dhewdros flerek,
My re'th karas
orth goffos ow bos anposek.
Dha voos koffi ov,
ha genes kas ov.
Dydh Lun, an ugensves a vis Ebrel 2026 Monday, the twentieth of April 2026
Prompt - Is-laghys an park / Park by-laws (Poetry Foundation)
An Park
Ny wra den vyth ladra elergh a'n park,
ymons i owth oberi'n fenten deg.
Ny wra den vyth gul selsik y'n park,
y fydh leskys erna vydh avel peg.
Ny wra den vyth treghi gols y'n park,
mar hweg luck seulabrys owgh.
Ny wra den vyth kerdhes a'n park,
res ponya drefen y teu ragowgh.
Ny wra den vyth debri del an park,
ymons i gwithys rag preves an wedhen.
Ny wra den vyth ygeri botel popp y'n park,
an tros a worr own dhe'n gwelsennow bian.
Ny wra den vyth kestav lagas orth an park,
y fynn dos avel spyrys y'gas kosk dhewgh.
Ny wra den vyth koska war vynk brenn an park,
gwell yw gensi kesklappya genowgh.
Ny wra den vyth usya lien kroust y'n park,
an browsyon yw da gans an gweres.
Ny wra den vyth dinythi y'n park,
an baban a vydh res avel oferen woos.
Ny wra den vyth nakevi'n park,
nevra ny wra'n park agas nakevi hwi.
Ny wra den vyth leverel gow y'n park,
an yetys a'gas klow ha striwi.
Ny wra den vyth gwari gwydhbol gans an park,
an gwydhbol a wra gwari genowgh hwi.
Ny wra den vyth gasa'n park,
stag owgh bys vykken ha bynari.
Dydh Meurth, an kensa warn ugens a vis Ebrel 2026 Tuesday, the twenty-first of April 2026
Prompt - A-dro dhe'th hanow / About your name (NaPoWriMo)
Hanow Duw
Yma genev ganow
hag o res dhymm
gen ow mamm ha'm tas
y'n gansvledhen bassyes.
Pan o istori heb y skrifa,
marnas an istori hag o skrifys
dhe jevisya kryjyans
ha gul dhymm vy.
Fatel godha dhedha goffos
my dhe dreylya ow heyn
war an duw hag usi ow tiskwitha
yn kres ow hanow.
Fatel godha dhedha goffos
my dhe hwansa gonisogeth
an tir a'm asvabas
a woos chymblys du pell.
Travyth aral a'm desedh.
Ytho y'n hanterav,
ha rydhhe'n duw
dhe vansya y'n gwyns,
ha gesys ov
Hanow.
Comments
Post a Comment