i - Komino
Otta le mayth yw tir ha mor an keth.
Platt ha dibenn a yfarn dhe nev.
Tonnow ha kloudys a vrith gwynn ha loos,
an tewedh ha'n hebask leuv yn leuv.
Awel skav hag uskis ha ganso chanj
nyns yw dhodho va tre po porpos.
War fas an bys yth a yn tigoweth
A borth dhe borth heb diwedh y ros.
Tirrik usi y'ga mysk mes unnik
gell ha gorm y hwra sevel yn pur.
Tommder dydhyow a wra warno' tewes
hag olow tus a worherir.
Onan dhe gans wosa dones an skath
y kleudhir an bro gans an bora.
Trigys omma nyns eus den vytholl, mes
Omma ymons ha bewnans gansa.
ii - Valetta
Ni a dhrehev agan bewnans yn-mysk bewnansow erel, re beu, usi, a vydh.
Pub stret, pub chi, pub bryck yw remenans bones a wort.
Ughelboyntyow ha'ga gorthenep a solempnir y'n gwell fordh dhysmygadow.
Payntyes loslas gans golow an howlsedhes.
iii - Mdira
Ple hwel'ta dha honan yn seythen? Mis? Bledhen? Deg? Kans? Mil? An dor a gri agan henwyn ha ni a'n hol. Yn-nans.
Py dewlagas a wra dha weles? Dha aswon? Dha gara? Dha yeuni? Y tewwynkyn ha passyes yw an jydh. Bys vykken.
Prag y tyb'ta y fydhydh kofhes? Gans piw? Rag pyth? Ha pes? An norvys a'th dinythas a'th dyber ty oll. Ny'n deur.
Yma gonisogyon y'n gwithti ha myghternedh y'n bedh.
Droglamm yw hemm usi mes a'gan maystri.
iv - Minoryta meur
Dysmyk dha davas.
An huni a gowsydh ganso.
Tavas dha vamm, dha das, dha dus.
Y klywir yn pub le, y tybir, y pew.
Mes gwelys yw skant.
Kudhys gans fos status hag istori.
Mir der an krackys.
Gwel dha davas.
Kows!
v - Kenedhel
Dyffrans yw an baner
Yn an pow rydh pell dhe-ves.
Diwysyans ha gonisogeth a dhur, dowrys.
An awel a hweth orth an mor hag an alsyow a'm saluj.
An krag a dhynnergh ha ri farwell orth pennow viaj.
Enys bian, penn tir, gwlas ha kornel.
Agh, yma neppyth aswonnys y'n bownderow kul ma.
vi - Tre
Yma dyffrans an wlas a welam'
diwettha ha pella dijanj.
Ow gorwelyow re beu ledanhes
mes omma yth yw oll an sam.
Dydh ha dydh orth kothhe y yeunam'
rag le nag yw ow thre.
Obrennow yw an pubdydh
hag an kovyow gwann y'm penn.
Otta le mayth yw tir ha mor an keth.
Platt ha dibenn a yfarn dhe nev.
Tonnow ha kloudys a vrith gwynn ha loos,
an tewedh ha'n hebask leuv yn leuv.
Awel skav hag uskis ha ganso chanj
nyns yw dhodho va tre po porpos.
War fas an bys yth a yn tigoweth
A borth dhe borth heb diwedh y ros.
Tirrik usi y'ga mysk mes unnik
gell ha gorm y hwra sevel yn pur.
Tommder dydhyow a wra warno' tewes
hag olow tus a worherir.
Onan dhe gans wosa dones an skath
y kleudhir an bro gans an bora.
Trigys omma nyns eus den vytholl, mes
Omma ymons ha bewnans gansa.
ii - Valetta
Ni a dhrehev agan bewnans yn-mysk bewnansow erel, re beu, usi, a vydh.
Pub stret, pub chi, pub bryck yw remenans bones a wort.
Ughelboyntyow ha'ga gorthenep a solempnir y'n gwell fordh dhysmygadow.
Payntyes loslas gans golow an howlsedhes.
iii - Mdira
Ple hwel'ta dha honan yn seythen? Mis? Bledhen? Deg? Kans? Mil? An dor a gri agan henwyn ha ni a'n hol. Yn-nans.
Py dewlagas a wra dha weles? Dha aswon? Dha gara? Dha yeuni? Y tewwynkyn ha passyes yw an jydh. Bys vykken.
Prag y tyb'ta y fydhydh kofhes? Gans piw? Rag pyth? Ha pes? An norvys a'th dinythas a'th dyber ty oll. Ny'n deur.
Yma gonisogyon y'n gwithti ha myghternedh y'n bedh.
Droglamm yw hemm usi mes a'gan maystri.
iv - Minoryta meur
Dysmyk dha davas.
An huni a gowsydh ganso.
Tavas dha vamm, dha das, dha dus.
Y klywir yn pub le, y tybir, y pew.
Mes gwelys yw skant.
Kudhys gans fos status hag istori.
Mir der an krackys.
Gwel dha davas.
Kows!
v - Kenedhel
Dyffrans yw an baner
Yn an pow rydh pell dhe-ves.
Diwysyans ha gonisogeth a dhur, dowrys.
An awel a hweth orth an mor hag an alsyow a'm saluj.
An krag a dhynnergh ha ri farwell orth pennow viaj.
Enys bian, penn tir, gwlas ha kornel.
Agh, yma neppyth aswonnys y'n bownderow kul ma.
vi - Tre
Yma dyffrans an wlas a welam'
diwettha ha pella dijanj.
Ow gorwelyow re beu ledanhes
mes omma yth yw oll an sam.
Dydh ha dydh orth kothhe y yeunam'
rag le nag yw ow thre.
Obrennow yw an pubdydh
hag an kovyow gwann y'm penn.
Comments
Post a Comment