An Husor Bughes

Yth o neb termyn wosa hanter-nos ha kler ha tomm o an duder havek. Nyns esa’n gwyns ow hwetha hag an unsel sonow a glowas o an bughes ha deves yn gwelyow an komm ha grow an bownderyow yn unn dhensel yn-dann agan treys. Honan en ni. Ny allav vy displegya yn poran an chanjyow a welir orth rosya tylleryow bew ha peub ow koska. Parkow kerri gwag, darasow alhwedhys, fenestri du, golowysi stret ow payntya'n bys gans rudhvelyn fug a hevel yfarn yn imach flogh, pub gwighal ow skrijya ha lamma y'n skovarn kepar ha dyowl ow hanasa hulla, hag a-ugh dhe bubtra an ster ow lagatta yn-nans orth agan difeyth perfydh.         Nyns o anvenowgh ni dhe vos yn-mes ow kerdhes yn ouryow byghan an nos, hemm o an gwella termyn dhe skapya a'n chi ha gweles an bys dre lagasow dyffrans. Yth o diwedhes pan ethen ni yn-mes a salowder an byldyans ha dalleth anella yrder an gorthjydh, leun a yntanans yoynkneth hag ow hwansa neppyth. Neppyth aral. An anusadow. Nyns esa medras po tyller arbennek m...

Ottomma treylyans a dhrolla le aswonys gans skrifer Bohemiek Franz Kafka . Deskrifans: Den koth a borth kov a'y dermyn hag ev owth oberi rag hyns-horn powek yn difeyth yn Russi. Yth yw darn a dhrolla kott anworfennys a skrifas yn 1914, dhe'n keth termyn ha Kafka ow pareusi y romans Der Prozeß ('An Trial'), keffrys anworfennys. Y hyllir redya'n drolla ma y'n restren dackyes a-is, po y iskarga avel PDF po EPUB dh'y redya war redyor e-lyvrow. Perthi_Kov_a_Hynshorn_Kalda.PDF Perthi_Kov_a_Hynshorn_Kalda.EPUB  

Raglavar - A Viaj an Harz gans Heinrich Heine, 1824. Lostennow du, hosanow owr, Penn-vregholow plesont ha gwynn, Keskowsow hweg, byrlansow tomm - Ogh, mar pe gansans i kolon! Kolon y’n brest, ha kerensa, Kerensa domm yn an golon -   Ogh, y’m ladh vy aga hana a fug dolors a bascyon.  War an gadon ‘fynnav krambla, Le may sav an krowyow sansel, Le may tiskudh an brest yn rydh, Ha le may hweth yn frank awel. War an gadon ‘fynnav krambla, Le may tour an sybwydh tewal, Y si stremys, y kan ydhyn, hag y helgh an kloudys gothel. Farwel dhewgh, hwi helyow leven! Tus leven ha benenes smodh! War an gadon ‘fynnav krambla, ow mires orthowgh hwi gans hwarth.

An Res A-dro:  Jardin du Luxembourg gans Rainer Maria Rilke Gans to hag y skeusow treylya a wra rag polsik an re a vergh liwus, a’n powdir pub hobba a hock rag hir, kyns ev dhe skynnya. Fest nebes yw kelmys dhe gertys, mes yma kolonekter y’ga hoyntnans; lew drog rudh a wra mones gansans hag yn spysyow yma olifanses. Yma hogen karow, avel y’n koos, hepken y kwisk diber ha warnodho yma mowes bian glas bocklys. Ha war an lew y marghogeth gwas ha’y syns y honan gans dorn bian tomm ha’n lew ow tiskwedhes dens ha tavas. Hag yn spysyow yma olifanses. Ha war an mergh y tons a-hys, keffrys mowesi, splann, an margh-lamm ma namna wordevons; yn-mysk an lesk na y mirons yn-bann, neb tyller, a-dreus -. Hag yn spysyow yma olifanses. Hag yth a yn-rag ha snellhe, hag y tiwedh ha treusi ha treylya yn-unnik hag amkan nag eus. an rudh, an gwer, an loos danvenys yn-kerdh, profil bian namna ny dhallathas -. Ha treweythyow yma minhwarth, ...

An Chayn Ma a Dhismygow (Diese Kette von Rätseln) gans Nelly Sachs An chayn ma a dhismygow gorrys a-dro dhe gil nos pell skrifys riel an geryow anredadow parhap komet ow viajya ha brew an ebron yger-skwardyes ow shyndya hons ha dhe’n beggyer an stevel ha droppya dh’y linyow arhwithrys pub stret an wlas gans y gorf rag yma res bos soffrys an redadow ha ‘tyskas merwel orth bos godhevus -  

Ottomma ow threylyans a "Erinnerung an die Marie A" gan Berthold Brecht. Kov a’n Marie A Berthold Brecht, 1920 1 War an jydh na yn Gwynngala an loor glas Taw yn-dann bloumwydhen yn yowynkses Ena y’s synsis, an gerensa daw, bleudh Yn ow bregh kepar ha tekter hunros. Hag a-ugh dhyn ni yn ebron brav an hav Yth esa kloud a welis rag hir hwath Yth o pur wynn ha kowrek yn ughel Ha pan viris, nyns esa ena byth. 2 A-dhia’n jydh y feu lies, lies loor Neuvyes yn taw war-woles ha passyes. Dres lycklod yma’n ploumwydh hir gwayvyes Y’m govynnydh, pandr’a hwarva dhe’m hunros? Hag y lavarav: ny allav perthi kov Ha hwath, yn sur, y hwonn dha styr seulabrys. Mes hy bejeth, honn na aswonav byth yn sur Ny gofhav saw: dhedhi unweyth yth ammis. 3 Ha’n amm ynwedh, my re’n hir ankevsa Pan ny via’n kloud ena dhe’n decken Henn a aswonnav hwath ha bys vykken Yth o pur wynn hag y teuth a’n ughel-nen. An ploumwydh a vleujyow martesen hwath H...

An Panther -  Yn Jardin des Plantes, Paris Rainer Maria Rilke, 1902 Y wolok, rag an barrys yn sad a bass, re skwithas na yll synsi moy travyth. Dhodho yw mar pe mil barr anvas hag a-dryv dhe vil barr nyns eus bys vyth. An kammow smodh ha krev orth medhel-kerdhes, a vynn y dreylya y’n byghanna tro, yw kepar ha dons a nerth a-dro dhe gres, palsyes yma bolonjedh bras ynno. Treweythyow y lyft kroglen byw an lagas yn tison - Dhana yth enter aven, dre goselder tynn an eseli yth a -   hag y hedh orth bos y’n golon.