Kov a'n Marie A - Berthold Brecht, 1920

Ottomma ow threylyans a "Erinnerung an die Marie A" gan Berthold Brecht.

Kov a’n Marie A

Berthold Brecht, 1920

1

War an jydh na yn Gwynngala an loor glas

Taw yn-dann bloumwydhen yn yowynkses

Ena y’s synsis, an gerensa daw, bleudh

Yn ow bregh kepar ha tekter hunros.

Hag a-ugh dhyn ni yn ebron brav an hav

Yth esa kloud a welis rag hir hwath

Yth o pur wynn ha kowrek yn ughel

Ha pan viris, nyns esa ena byth.

2

A-dhia’n jydh y feu lies, lies loor

Neuvyes yn taw war-woles ha passyes.

Dres lycklod yma’n ploumwydh hir gwayvyes

Y’m govynnydh, pandr’a hwarva dhe’m hunros?

Hag y lavarav: ny allav perthi kov

Ha hwath, yn sur, y hwonn dha styr seulabrys.

Mes hy bejeth, honn na aswonav byth yn sur

Ny gofhav saw: dhedhi unweyth yth ammis.

3

Ha’n amm ynwedh, my re’n hir ankevsa

Pan ny via’n kloud ena dhe’n decken

Henn a aswonnav hwath ha bys vykken

Yth o pur wynn hag y teuth a’n ughel-nen.

An ploumwydh a vleujyow martesen hwath

Ha dhe’n dhama yw parhap meur a fleghes

Mes an kloud na vleujyowas saw mynysen

Ha pan viris, y voydyas gans an gwyns.