An Res A-dro - Rainer Maria Rilke

An Res A-dro: Jardin du Luxembourg

gans Rainer Maria Rilke

Gans to hag y skeusow treylya

a wra rag polsik an re

a vergh liwus, a’n powdir pub hobba

a hock rag hir, kyns ev dhe skynnya.

Fest nebes yw kelmys dhe gertys,

mes yma kolonekter y’ga hoyntnans;

lew drog rudh a wra mones gansans

hag yn spysyow yma olifanses.

Yma hogen karow, avel y’n koos,

hepken y kwisk diber ha warnodho

yma mowes bian glas bocklys.

Ha war an lew y marghogeth gwas

ha’y syns y honan gans dorn bian tomm

ha’n lew ow tiskwedhes dens ha tavas.

Hag yn spysyow yma olifanses.

Ha war an mergh y tons a-hys,

keffrys mowesi, splann, an margh-lamm ma

namna wordevons; yn-mysk an lesk na

y mirons yn-bann, neb tyller, a-dreus -.

Hag yn spysyow yma olifanses.

Hag yth a yn-rag ha snellhe, hag y tiwedh

ha treusi ha treylya yn-unnik hag amkan nag eus.

an rudh, an gwer, an loos danvenys yn-kerdh,

profil bian namna ny dhallathas -.

Ha treweythyow yma minhwarth, y’ga gwedh,

onan benygys a dhallha hag yw difeyth

yn an gwari dianal dallys …