An Husor Bughes

Tewedh gwynn a dheu yn nes, Tomm ha brav y mov war-tu ha'n west. Lughes dall na welir hwath, An ebron daw glas a wor y geth. Howlsplann duryadow a wort, Mes ha'n storm ow tos yma'n jydh kott. Y kreg an loor, sav heb ger, Dres an wlaskor oll y hwel, y mir.  Tewedh gwynn a dreyl yn glas, Dhe benn dydh hir y teu an nos.

Egin a dev a-dhyworth tybyans bian y wreydh a ledanha ha krefhe Displegyans a hwer gans nerth a'n wreydhen Kyfyans ha sleyneth na wra kothhe. Skorr a dev a-dhwyorth ben bras an egin possybyltas dibenn yn-ragdho Rusken kales yw dibegh avel kroghen y hwort y drials a-dherag 'dho. Del a dev a-dhyowrth krefter oll an skorr der y groghen y terrons yn es Skeus a wrons dh'ort ughel dres eginyow berr Ny dev an re nowyth na yn fas. Koos a dev oll a-derdro, gwydh a'n keth par a wra resek war hyns an bewnans. Bos an gwella yw dhedhans an amkan pur Savons orth aswon an desedhans. Kleves a dev yn pur lent yn-mysk an del ny'n merkir gans an benyow a-is y yaghha an desis yn pols na vydh pell hag an erel na welvydh y is. Terrys yw an kleves, del, skorr hag egin gans an brassa gwydh oll na gonvedh Yma res distrui an kleves dh'y wreydhen Ha kisyans dhe'n re byghan na vydh. An gwedhen a godh a-dhyworth an ardhow bys yn mostedhes y dhinythyans Ha...

Yma dhymm ragdres nowyth dhe'n pols ma le mayth esov ow kul mappys a'n gwlasow Keltek a dhevnydh henwyn tylleryow y'ga yeth aga honan. Yma towl dhymm a wul krysyow-T, h.e. gans an delinyansow ma wanedha. Ytho, ottomma blas a'n mappa a Gernow ragowgh :)

Diwedh mis Meurth y kevis an chons a gowsel gans Gwenno Saunders yn-kever hy flasen nowyth  Le Kov  ha's bewnans gans an yeth Kernowek. Y hyllir goslowes orth an keswel a rekordyas ryb fordh, diwotti ha'n mor yn Aberystwyth a-woles. ___ At the end of March I had the chance to speak with Gwenno Saunders about her new album Le Kov  and her life with the Cornish language. You can listen to the interview, which was recorded in Aberystwyth, below. A-woles: Gwydhyow ilow Eus Keus  a-dhyworth Le Kov gans Gwenno. Below: Music video of Eus Keus  from Le Kov  by Gwenno.

(Versyon tekst keslinek a-is dhodho / Dual text edition below) Kocha a resek dre nos dhigosk tewedhek, a-berth ynno yma peswar trethyas, ow komprehendya dewbries nowyth, den neges ha skajyn plos... A stagecoach races through a sleepless, stormy night, inside there four travellers, a newly wedded couple, a businessman and a tramp… Dhe'n Bora Dhe'n Bora / Dawn Bound Versyon tekst keslinek / Dual text edition

Ster        (gwydhyow a-is) Daslev yeyn a viaj dres wakter oll nag yw heb tavas yma skryj mes gorthyp na glyw. Treyl liwyow an ollvys yn uskis hag yn lent mes pubtra usi gwelys yw 'vel remenant. Gooth ha sleyneth ledyas an hyns bys dhe lemmyn, omma y tiwedhas an lergh ancertan. Na enev na korf 'ma bewnans eth nans yw hir. Golow a wra namma bosva na welir. Diwla estren a doch dhyworth a-barth ynno, i aswon yn hardlych an fordh der an mo. Own a les dhyworthans konvedhans an hwarvos ny janj an desedhans gans an aswonvos. An daslev na a dhur y viaj pell a'n tir kellys yn an tekter byttegyns y klywir.

Kota Arvow Nordrhein Westfalen Ytho, nans yw seythen po diw, my a skrifas yn-kever desedhans arghansek an yeth Isalmaynek (Plattdüütsch/Niederdeutsch), gelewgh an postyans ma . Wel, yma'n Isalmaynek delergh y'n nowodhow yn Almayn, mes tro ma awos arwodhyow.  Avel lies stat y'n bys, yma Nordrhein Westfalen yn Almayn north-west stat diwyethek. Mes, awos desedhans minoryta an Isalmaynek, ny apper war arwodhyow gans an brassa Almaynek. Yn termyn eus passyes, y leveris governans an stat keffrysek bos arwodhyow diwyethek re beryllus rag lewyoryon awos aga bos anredadow rag tus na gows Isalmaynek. I a grys y fia droglammow karr - Ottomma'n keth geryow a glowson ni yn Breten - yn-erbynn an Kernowek, an Kembrek, Godhalek an Alban. Yma nebes arwodhyow diwyethek seulabrys, mes nyns yns dre'n stat oll. (Dhyworth an Mindener Tageblatt) MES, wortiwedh, y kows an governans yn-kever gorra an yeth bian war arwodhyow. Hemm a wra gweres kesunya'n stat herwydh Geo...