Kynvan yn Kernowek

Egin a dev a-dhyworth tybyans bian
y wreydh a ledanha ha krefhe
Displegyans a hwer gans nerth a'n wreydhen
Kyfyans ha sleyneth na wra kothhe.

Skorr a dev a-dhwyorth ben bras an egin
possybyltas dibenn yn-ragdho
Rusken kales yw dibegh avel kroghen
y hwort y drials a-dherag 'dho.

Del a dev a-dhyowrth krefter oll an skorr
der y groghen y terrons yn es
Skeus a wrons dh'ort ughel dres eginyow berr
Ny dev an re nowyth na yn fas.

Koos a dev oll a-derdro, gwydh a'n keth par
a wra resek war hyns an bewnans.
Bos an gwella yw dhedhans an amkan pur
Savons orth aswon an desedhans.

Kleves a dev yn pur lent yn-mysk an del
ny'n merkir gans an benyow a-is
y yaghha an desis yn pols na vydh pell
hag an erel na welvydh y is.

Terrys yw an kleves, del, skorr hag egin
gans an brassa gwydh oll na gonvedh
Yma res distrui an kleves dh'y wreydhen
Ha kisyans dhe'n re byghan na vydh.

An gwedhen a godh a-dhyworth an ardhow
bys yn mostedhes y dhinythyans
Ha pubtra a wel an kodh ma a rasow
Ny dhiskwedh tra vyth y dhefians.

Egin a dev a-dhyworth distruyans pur
nooth ha gwann y kram der y eskern
Egin a vynn mones ha bos gwedhen fur
Mes ny vydh nevra mar grev po splann.