Skip to main content

Nowodhow pella dhyworth Almayn

Kota Arvow Nordrhein Westfalen
Ytho, nans yw seythen po diw, my a skrifas yn-kever desedhans arghansek an yeth Isalmaynek (Plattdüütsch/Niederdeutsch), gelewgh an postyans ma. Wel, yma'n Isalmaynek delergh y'n nowodhow yn Almayn, mes tro ma awos arwodhyow. 

Avel lies stat y'n bys, yma Nordrhein Westfalen yn Almayn north-west stat diwyethek. Mes, awos desedhans minoryta an Isalmaynek, ny apper war arwodhyow gans an brassa Almaynek. Yn termyn eus passyes, y leveris governans an stat keffrysek bos arwodhyow diwyethek re beryllus rag lewyoryon awos aga bos anredadow rag tus na gows Isalmaynek. I a grys y fia droglammow karr - Ottomma'n keth geryow a glowson ni yn Breten - yn-erbynn an Kernowek, an Kembrek, Godhalek an Alban.

Yma nebes arwodhyow diwyethek seulabrys, mes nyns
yns dre'n stat oll. (Dhyworth an Mindener Tageblatt)
MES, wortiwedh, y kows an governans yn-kever gorra an yeth bian war arwodhyow. Hemm a wra gweres kesunya'n stat herwydh Georg Cornelisson, yethor dhyworth an LVR-Institut für Landeskunde yn Bonn. Yn-medh: "Mar styr y fydh an rannyeth driys yn koncyans y'n fordh avel homm, henn yw bryntin". Lies person a dyb bos an Isalmaynek rannyeth Almaynek, mes yethoryon re wolowboyntyas bos geryow ha gramasek dyffrans dhe variennow an Isalmaynek ha nyns yw konvedhadow dhe Almaynegoryon unnyethek. 

Nebes politegoryon an stat re beu owth assaya gwellhe status an yeth avel rann a wonisogeth an stat, ha henna dhyworth pub amal an spektrum politek.

Governans an stat a wra sevel an mater y'n seythennow a dheu ha dadhla mars eus res gul reythyow nowyth dhe gavos arwodhyow diwyethek. 

Termyn a dheu an yeth a vir da, neppyth usi nowodhow wolkom dhe'n pols ma.

Arta, my a wra skrifa wosa my dhe glowes moy yn-kever an mater ma. 
_____

Kedhlow dhyworth an erthyglow ma:

http://www.rp-online.de/nrw/landespolitik/plattdeutsch-auf-ortsschildern-landtag-beraet-ueber-zulassung-aid-1.7278081

 http://www.mt.de/lokales/regionales/22007957_Plattdeutsch-auf-Ortsschildern-Landtag-beraet-ueber-Zulassung.html

https://www.mkffi.nrw/niederdeutsch-nrw-sprache-ist-heimat



Labels:

Comments

Post a Comment

Popular posts from this blog

An Jydh Finek

Ottomma treylyans a romans Kembrek Y Dydd Olaf gans Owain Owain, esa keffrys awen rag plassen 2014 a'n keth hanow  gans Gwenno . Deskrifans:   An drolla a hol den henwys Mark dre rannow a'y dhydhlyvrow ha lytherow a recevas ganso dres an 20ves kansvledhen ha Konsel an Brederedh, governans kepar ha broder bras, ow mos ha bos moy powerus. An konsel ma a ynni tus dhe gowsel aga yeth fug dre dhevnydhya rayys studhhe a vynn Mark skapya anedha ha gweres orth diwedha'n termyn distopek ma a dheu. Kedhlow Pella: Y rer an romans ma heb kost war furv e-Lyver. Y hwodhor gras dhe deylu Owain Owain a asa y dreylya ha'y dhyllo yn Kernowek. Y hyllir redya'n romans ma y'n restren dackyes a-is, po y iskarga avel PDF po EPUB dh'y redya war redyor e-lyvrow. Ynwedh, y komprehendir kevren dhe'n romans Kembrek derowel. Iskarga: An Jydh Finek - PDF An Jydh Finek - ePub Y Dydd Olaf
Post a Comment
Read more

MiSkriBa 25 - 03/04 - Deray

Tressa assay MiSkriBa 2025 gen an prompt a skrifa bardhonek a dhispleg yn andhidro prag yth os bardh ha na par aral a artydh. Ny wonn mars yw ow assay andhidro, mes y'n dallathis dhe gwartrons dhe hwegh an myttin ma ha'y worfenna wosa gorthugher kerens y'n ober, ytho... The third attempt at NaPoWriMo 2025 with the prompt of writing a poem that obliquely explains why you are a poet and not some other kind of artist. I'm not sure how oblique my attempt is, but I started writing at quarter to six this morning and finished after parents' evening at work, so... Deray My a gar "art". Pub eghen a "art". Pub blas yn kist tesennow "art". My a vynn gul "art", Avel peber "art". Mes py par? Ilewydh yw mester Gen gitar ha band Ow kana hag ow seni Kanow ha sonyow Rag delit an bys. Ottena "art" Ha my bardh. Dramasydh yw mester Gen skrif ha gwisk Ow pewhe pub ger Playys ha gwariow Rag sordya'n brys. Ottena "art...
1 comment
Read more

Platform 4

  Platform 4 An cita ryb ow heyn Ha vyth a-dherag dhymm Saw peulyow fens chayn A'm dege vy yn lymm. My a wort war an kay Gen kledhrennow a ystyn Avel gwythi korf di-way War bub amal yn prison. An kowser na lavar vyth Ha'y glowes na wrav vy Rag bodhar ov dh'y dhyth Ha'n prennyer a welav vy. Ny omglowav saw unnik Y'n awel skav a'm bragg Orth tybi'n taw a'm trevik Ha ri dhis amm hweg. 
Post a Comment
Read more