Dy' da oll!
Mis Skrifa Bardhonieth (MiSkriBa) re dhallathas unweyth arta! Yn hwir y tallathas nans yw seythen war galan Ebrel (dell yw usys). Byttele rag moy a dermyn dhymm dhe skrifa ha gwellhe ow ober hevlena, ny wrav vy postya saw unweyth an seythen gen an promptys ha'n bardhonogow. Ynwedh, yth esov vy ow tevnydhya diw bennfenten a bromptys hevlena, NaPoWriMo ha'n Poetry Society - hemm a ront dhymm termyn ha le gwell rag awen ha skrifa (my a gollas ethen warlena awos nyns o da genev an promptys wosa termyn).
Wosa leverel henna oll, a-woles yma ow hensa seyth bardhonek rag MiSkriBa 2026. - Merkyewgh bos pub bardhonek skrifys yn Kernowek yn terowel, ytho martesen ny wra'n treylyansow Sowsnek styrya'n keth tra ha rewlys an prompt.
National Poetry Writing Month has started again! Actually, it started a week ago on the first of April (as per usual). However, so that I have more time to write and hone my work this year, I will only be posting once a week with the prompts and poems. Also, I'm using two sources of promts this year, NaPoWriMo and The Poetry Society - this allows me to a little more choice and room for inspiration when writing (last year I lost steam as I wasn't too keen on many of the prompts).
Having said all of that, below are my first 7 poems for NaPoWriMo 2026. - Note, all poems were written in Kernowek initially, so the English translations may not allign exactly with the rules of the prompt.
Dydh Mergher, kalan Ebrel 2026 Wednesday, the first of April 2026
Prompt - tanka (NaPoWriMo)
An hosik a neuv
Dell wrug ev a-dhia'n jydh
May teuth dh'ort an oy.
Evy a neuv treweythyow,
Wosa dyski y sedhav.
The duckling flies
As it has done since the day
It came from the egg.
I fly sometimes,
After learning I sink.
Dydh Yow, an nessa a vis Ebrel 2026 Thursday, the second of April 2026
Prompt - flogholeth / childhood (NaPoWriMo)
An rin, hag ow dewgerens yn kosk, hag ow broder ow hunrosa a goncertos hweg, hag an ki ha'n kathes ow pewa bewnansow an nos, hag ow fellwolok ow kolya a estyllennow ughel. Dewynnyans hy golow glaswynn a bobas dhe'm dewlagas, hag an linen wer ow kotthe'n skav, ha nebhuni ow sevel hag ygeri daras an privedhyow. Ow nivera hwes gen betyans ow holon: drypp, drypp, drypp y gan ha my owth assaya redya diwweusyow ha klowes kanow a-ugh dhe bopp an gowsoryon, a-ugh dhe arm ow anal kott, a-ugh dhe grash kreghyn an lagas. An taw a skrijyas hag evy yn-dann lien an gweli, tron ow mires dre doll y'n gweth.
Diskwedhans doblek fugieth gwir dhiskwedhas dhymm fethow gwir ha liwyow most a'm desedh yn pur dha.
| The secret, as my parents slept, as my brother dreamt of sweet concertos, as the dog and cats lived the lives of the night, as my television kept watch from high shelves. The radiation of its bright blue light baked into my eyes, as the green line quickly shortened, as someone awoke and opened the door of the toilet. Counting sweat with the beat of my heart: drip, drip drip its song as I tried to read pairs of lips and hear songs above the pop of the speakers, above the call of short breath, above the crash of eyelids. The silence screamed and I was under the covers, a nose peering through a hole in the sheet.
Queer fiction double feature showed me true facts and colours of dirt suit me so very well. |
Dydh Gwener, an tressa a vis Ebrel 2026 Friday, the third of April 2026
Prompt - Galwesigeth Dhyffrans / A Different Profession (NaPoWriMo)
Yma va ow tyski geryow dhe'n lyvrow kosel, ow tiskwedhes niverow rag an reknell.
Ny lever skians gow vyth yn kander an faktys. An gwella fordh vydh dyski heb klassys.
| He’s teaching words to the peaceful books, showing numbers to the calculator.
Knowledge never tells a lie in the light of facts. The best way will be teaching without classes. |
Dydh Sadorn, an pesworra a vis Ebrel 2026 Saturday, the fourth of April 2026
Prompt - Hwarvos Kewer / A Weather Phenomenom (NaPoWriMo)
Banaghow rudh a godh 'vel plobm, ha goos eledh ow kasa nabm.
Ny wort godhes yn avon horn, y gonvedhes yw natur own. | Red drops fall like lead, as angels’ blood leave a stain.
Sediment does not wait in the iron river, understanding it is the nature of fear. |
Dydh Sul, an pympes a vis Ebrel 2026 Sunday, the fifth of April 2026
Prompt - Kasans / Hatred (NaPoWriMo)
Kas yw genev segha, wosa kowas klys ha brav,
An ayr oor ow pratha ha'n gols kala glyb, yw gwell bos plos hwath?
I hate drying off, after a cosy and pleasant shower,
The freezing air biting and strawlike hair so wet, is it better to stay dirty?
Dydh Lun, an hweghves a vis Ebrel 2026 Monday, the sixth of April 2026
Prompt - Kroaduryon / Ceatures (The Poetry Society)
yn lent
y fov
ow kravas
orth pikslys
pub movyans
paynus
ow tenna lagas
a-dreus
dhe'n skrin
yn patron
darganadow
syns anal
hag y nes
avel polter has
ow trevesiga
yn town ynnos
y'n hav
tros vyth
syns anal
dha gachya
yw hwans
an kroadur
lent
mes
yn lent
y teu
ha pan
nyns os
war y'th kach
ha bratha
gen poyntyans sogh
unweyth
a-gledh
lemmyn
a-dhyghow
ow treusi
hag
ow treusi
y'th shynd
yn lent
gen gwayans
chonsus
an kroadur
lent
dell os.
slowly
it moves
clawing
at pixels
each painful
movement
draws the eye
across
the screen
in a predictable
pattern
hold a breath
as it nears
like pollen
settling
deep within you
in the summer
no sound
hold a breath
catching you
is the wish
of the slow
creature
but
slowly
it comes
and when
you aren't
aware it catches you
and bites
with blunt punctuation
once
on the left
now
on the right
crossing
and
crossing
it hurts you
slowly
with random
movement
the slow
creature
that you are.
Dydh Meurth, an seythves a vis Ebrel 2026 Tuesday, the seventh of April 2026
Prompt - Rim Terlemmel / A Skipping Rhyme (NaPoWriMo)
Den plos, kach an flogh, kemer ev dhe'n nevow.
Den plos, kudh an gwir y'n kelli owraval.
Den plos, blam an tir, kleudh ragdho y vedhros.
Den plos, lonch an bomm, ladh skav oll an bobel.
Den plos, kerys os, deus ha junya'n korfow.
| Gross man, catch the kid, take him up to heaven.
Gross man, hide the truth in the orange grove.
Gross man, blame the land, dig for it a grave site.
Gross man, launch the bomb, quickly kill the people.
Gross man, you are loved, come and join the bodies. |
Comments
Post a Comment