Skip to main content

Arenebedh Balweyth Bal Karn Est

Yn termyn eus passyes, yn hav 2016, my eth dhe'n remenans Bal Karn Est. Ottomma nebes skeusennow ha kedhlow yn y gever.

A-dro dhe'n bal

Trigys yw Bal Karn Est dhe Gornel Tokenbury yntra Bal Kesunyes Glasgow Bre Garn ha Bal Karn Soth - an bal a shapyas istori ha drolla Bal Karn Est. Nyns yw pell dhe-ves a Bennsilva ha'n Tavern Tor Hwel (Wheal Tor Inn) a vir dros an bal a-dhyworth Bre Garn.

An bal veu ygerys yn 1840 wosa begh meur Bre Garn veu trovyes dhe Garn Soth, mes ny veu monow trovyes ha forsakyes veu an sett yn 1844.

Yn 1851 komani aral a assayas hwilas rag monow y'n sett hag yn 1860 askorrans veu dalathys y'n bal.

An bal a oberas dew vagas a veghow Begh Margh (po Begh an North) ha Begh Seccombe a veu oberys dhyworth Shafta Seccombe. Oberys veu beghow an north dhyworth shaftys Jynn North, Wella ha Hyns-troos. Beghow an soth o Fawcett, Caunter, Nowyth, Flogh ha Flogh an Soth.

Askorrans a dhrehedhas y dopp yn 1864 gans 5,933 tonnas a voon kober gans gwerth a £34,791.6.

Yn 1882 yth esa 63 person owth oberi rag an bal ha 40 anedha a oberas yn-dann dhor.

Res o dhe'n bal ma degea pan veu Bal Karn Soth deges yn 1885 awos skwychyes yn farow veu jynnow-pompya an brassa bal re via ow kwitha nivelyow an dowr isel.

Assays dhe eyl-ober an bal veu gwrys yn 1890 ha 1907, mes ny sewensons.

Ow godrik

 Nyns usi lower a remenans a'n bal ma. Nyns usi byldyansow po chymblys vytholl, hepken an atalvaow re dreusvewas dhe'n jydh hedhyw.


Mappa a dyller an bal.

Onan a'n atalvaow Bal Karn Est a-dhyworth an hyn-kerdhes dhe Val Karn Soth. 
Gwel aral a'n atalva. 



Eyl-oberys veu an atalvaow rag aga monow, dell nyns yns ar vras avel yn dydhyow an bal. 

Gwel a Davern Tor Hwel gans atalva y'n ragva.

An brassa atalva ow mires yn tu Pennsilva.

Ym shap diblans dhe'n atalva ma.

Atalva aral kudhys gans an krann war amal Bre Garn ogas dhe shaftys an Begh Margh.

Hen hyns-troos a-dro dhe'n bal.

Ny vir an atalva vyghan avel atalva vytholl kyn hwi dhe's drehedhes.

An atalva veur a-dhyworth an atalva vyghan.
Gwel a'n atalva vyghanna.




Pennfentynnyow:

http://www.cornwallinfocus.co.uk/mining/eastcaradon.php

http://www.oocities.org/teammanley/ECaradon/index.htm


Labels:

Comments

Post a Comment

Popular posts from this blog

MiSkriBa 2024 - 11 / 04 - Dy' Yow

Rag  #MiSkriBa  11 yma res skrifa bardhonek unlinen. For   #NaPoWriMo  11 we have to write a monostich, a one line poem. Dy' Yow An petal finek re godhas a'n lester flourys, ow koska yn hwell agesov. Thursday The final petal has fallen from the vase, sleeping better than I.
Post a Comment
Read more

An Jydh Finek

Ottomma treylyans a romans Kembrek Y Dydd Olaf gans Owain Owain, esa keffrys awen rag plassen 2014 a'n keth hanow  gans Gwenno . Deskrifans:   An drolla a hol den henwys Mark dre rannow a'y dhydhlyvrow ha lytherow a recevas ganso dres an 20ves kansvledhen ha Konsel an Brederedh, governans kepar ha broder bras, ow mos ha bos moy powerus. An konsel ma a ynni tus dhe gowsel aga yeth fug dre dhevnydhya rayys studhhe a vynn Mark skapya anedha ha gweres orth diwedha'n termyn distopek ma a dheu. Kedhlow Pella: Y rer an romans ma heb kost war furv e-Lyver. Y hwodhor gras dhe deylu Owain Owain a asa y dreylya ha'y dhyllo yn Kernowek. Y hyllir redya'n romans ma y'n restren dackyes a-is, po y iskarga avel PDF po EPUB dh'y redya war redyor e-lyvrow. Ynwedh, y komprehendir kevren dhe'n romans Kembrek derowel. Iskarga: An Jydh Finek - PDF An Jydh Finek - ePub Y Dydd Olaf
Post a Comment
Read more

MiSkriBa 2024 - 14 / 04 - Luck

 Rag #MiSkriBa 14, res yw skrifa bardhonek a dheg linen po moy a dhalleth gen an keth ger. Awen an darn ma yw an levow bian a er y'm penn ha my owth assaya bos person gwir... For #NaPoWriMo 14, we have been asked to write a poem of ten or more lines beginning with the same word. The inspiration for this poem are the little voices that babble in my head as I'm trying to be a real human... Luck Mar kalsen vy, yth evsen vy ow 'nafas yr heb y ankevi'n yeyn ha'y drefya dhe'n new. Mar kalsen vy, y fynnsen gorra'n golgh yn-mes kyns an glaw dhe dhos ha dampnya'n hav. Mar kalsen vy, y hworfennsen oll a'n ober chi dhe hebaskhe ow brys a bub preder. Mar kalsen vy, y kavsen hansel yagh dhe nerthe ow horf gen dader bara glas koth. Mar kalsen vy, y hylsen ponya pub dydh dhe-ves a dhelitys bewnans ha mos ha bos Adnois gay. Mar halsen vy, yth omglowsen yn ta despit dhe'n reden klappya a grav orth ow dewlin. Mar kalsen vy, y kowssen yn tiskwith dhe stoppya ow t...
1 comment
Read more