Skip to main content

An Eghen Gothek

Nebes ahanowgh a alsa godhvos bos da genev an "Eghen Gothek" - Da yw genev drehevyansow, dillas, ilow, drollow ha poubtra a-dro dhe'n eghen 'ma (mes ny dhyskis vy an yeth Gothek hwath).

Unn pyth gothek eus pur dha genev yw bardhonek "An Vran Vras" (The Raven) gans Edgar Allan Poe. My re assayas dh'y dreylya dhe Gernowek lieskweyth, mes y'n gwettha prys my re fyllas pub assay my re'n gwrug. - My a dhalathas versyon nowyth myttin 'ma, mes re dhrog o ev, ytho my a'n dileas.

Mes ny vynnis vy bos fethys an dro 'ma, ytho my a dreylyas linen a vri dhyworto.

Ow versyon Kernowek:

Down y'n tewlder 'na ow mires, hir sevis 'na, owth omwovyn, ania, toutya, ow hunrosa avel marwel na hunros'sa bythkweth kens.
An gwreydhek:

Deep into that darkness peering, long I stood there, wondering, fearing, doubting, dreaming dreams no mortal ever dared to dream before.

Ha my a dyb y vos tybyans da dhe gowsel yn kever fatel ha prag treylis vy an linen verr homm.

Yn kensa, ottomma treylyans Sowsnek ger rag ger a'w Hernowek.

"Down in that darkness looking, long I stood there, wondering, worrying, doubting, dreaming like a mortal who hadn't dreamed ever before."

Yma nebes pythow haval dhe'n gwreydhek ha nebes dihaval orto.

Kensa darn an vreus yw yn ewn haval. An unn pyth esa res dhymm y janjya o "peering" dhe "looking" awos ny yllis vy trovya ger gwiw Kernowek ragdho.

Y hyllis vy gwitha an nessa darn avel y'n Sowsnek, mes wosa henna yth esa problemys dhymm. Rag dhe witha fros an bardhonek, res o dhymm oberi gans rewlys gramasek Kernowek. 

Ni a wor may hwer an didorr Kernowek gans "ow(th)", mes ow ri "ow" a-dherag dhe pub ger re vynnsa destrui an resyas. Meur ras dhe dreylyansow kessonen, y hyllis vy menya an "ow" ha'n didorr yn le y dhevnydhya pub tro. Ytho yma "owth" a-dherag dhe "omwovyn", nyns eus res dhe dreylya "ania", an D yn "doutya" eth hag o "(ow) toutya" ha nyns esa res dhe dreylya "hunrosa". Res o dhymm chynjya an ger "fearing" dhe "worrying" awos nyns esa saw unn ger rag "to fear/to doubt" - doutya, ha res o dhymm y dhevnydhya rag "doubting".

An darn diwettha o problem aral dh'y dreylya. An Kernowek rag "dreaming dreams no mortal ever dared to dream before" yw neppyth avel "ow hunrosa hunrosow na vedhas marwel hunrosa bythkweth kens" - mes hemma a vynnsa shyndya an resyas keffrys. 

My a wayt may hyllowgh gweles hag onderstondya ow fordh a dreylya tamm moy lemmyn, hag avel pub prys, na vernewgh ow Hernowek yn re arow. 


Comments

Popular posts from this blog

Clic Clac

Yn brin iawn dwi'n ysgrifennu barddoniaeth yn Gymraeg, dim fel mod i ddim am ddefnyddio iaith y nefoedd at y diben hwn, ond fel arfer dwi'n ysgrifennu yn yr iaith sy'n dod ata i yn y funud o ysbrydoliaeth. A dyna ddigwyddodd efo'r gerdd hon a ysgrifennes i yn dilyn digwyddiad ym Malchder Cymru y llynedd. Dwi bob amser yn ffeindio ysgrifennu fel hyn yn haws pan fo'n seiliedig ar y byd go iawn...   Nyns yw pur venowgh y skrifav bardhonieth yn Kembrek, nyns yw nag eus hwans dhymm devnydhya'n yeth yn ow skrifa, mes dell yw usys y skrifav y'n yeth a dheu dhymm y'n pols awen. Henn a hwarva gen an bardhonek ma a skrifis wosa hwarvos yn Gool Gooth Kembra warlena. Yth yw pub prys esya, y'm brys vy, dhe skrifa a-dro dhe draow an par ma pan vons selyes war an bys gwir...  Clic Clac Pwy wyt ti Sy'n cerdded tuag ataf Mewn gwisg dwt a du A sodlau fyny i dy ben-gliniau? Mae ein llygaid yn hanner-gwrdd Ymhlith gwichian Esgidiau plastig ar deils glan A dychlamu b

Henhwedhel / Legend

Yn mis Hwevrel hevlena y recevis folennik unyeth Kembrek y'm bolgh-post a-dhyworth SP Energy Networks yn unn linenna towl rag difygyow power rolus herwydh an 'barras nerth'. A-wosa y hwilis vy y'n nowodhow ha gortos klowes neppyth moy a-dro dhe hemma, byttegyns ny dheuth po ger po difyk power vyth. An bardhonek ma yw ow gorthep dhe'n desedhans oll ma ha'm omglowansow dhe'n pols na. Back in February of this year, I recieved a monolingual Welsh leaflet in my letter box from SP Energy Networks outlining plans for rolling powercuts in response to the 'energy crisis'. Afterwards I searched the news ans waited to hear anything more about this, however there came neither news nor power cuts. This poem is my response to the whole situation and my feelings at that time. Henhwedhel War an kensa jorna y trovis an howl mar splann ha kann hag ughel Y rayys a'm tomhas ha leski war ow kreun yn anweladow. War an kensa nos y trovis an loor mar oor ha yeyn hag a

MiSkriBa 2024 - 11 / 04 - Dy' Yow

Rag  #MiSkriBa  11 yma res skrifa bardhonek unlinen. For   #NaPoWriMo  11 we have to write a monostich, a one line poem. Dy' Yow An petal finek re godhas a'n lester flourys, ow koska yn hwell agesov. Thursday The final petal has fallen from the vase, sleeping better than I.