Skip to main content

Diw Vynysen A-wosa

Wosa'n hwarvos euthyk de (pan veu danvenys gwarnyans an governans yn Kembrek DIW VYNYSEN kyns an Sowsnek), re a dus re beu ow postya yn unn shamya us a'n yeth vian kensa.

Herwydh anji, y "sordyas own" yn tus na wodhya konvedhes... Mes ottena'n poynt! Yma res a'n own na, yma'n bys gans tan ha denvyth a hevel dhe wul travyth... An governans ha'n dus ma a grodhvol yn arbennik!

Leun a amovyansow ov y'n eur ma, ha nyns yw an onan anedha da 😬

 

Diw Vynysen A-wosa 

Ny wodhes redya'n arwodhow, 
Desinyes vons dhe'th sowdheni, 
Difyk an glaw, gwyns hag awelyow 
Er dha bynn yn bileni. 
 
Olow dha dreys a as namm glow
War leurlen enowys an chi,  
Ayr segh a lesk yn branjennow 
Dhe skevens vyth ow lenki.  
 
Dha vrassa kudyn yw ow yeth,  
Re skav devedhys dhe'th hwarnya,  
Ha'n bys ow leski yn anvaseth, 
Flammow dha grodhvol ow fannya. 
 
Gans tan os jy wor'tiwedh, 
Mar vostus a'th vyktori bras, 
Mes ewn os jy y'th hallosedh,  
Leskys y'th krow yn logel ras.   

 

 

Labels:

Comments

Post a Comment

Popular posts from this blog

MiSkriBa 2026 - An tressa rann

  Yow oll,   Ottomma ow thressa kuntel a vardhonogow rag MiSkriBa 2026! Here are my third set of poems for NaPoWriMo 2026!  (sorry, there aren't any translations yet, I've been a bit busy). Dydh Mergher, an pymthegves a vis Ebrel 2026  Wednesday, the fifteenth of April 2026 Prompt -  Eskerdh a-dro dhe'n stock  / Expedition around the base (Poetry Society) Bewnans anweladow Yn gis an asfalt nowydh A glowir der an veister.  Chiow kroglennow deges Ow mires yn kas orth tremenysi Dell welir yn an mirour.  Arghow gorheryow lows A glapp dydh aral kellys A nakevir prys wosa prys.  Kan jynn karr ha ronk kyttrin A rol yn loos dre dermyn Na niverir vel viajys gwir.  Gwedrow ster a wel an loor Yn goos seudhelyow divegh Dell dhonsir garrow trist.  Ke prennyer dur a wra milva A vys breek istori A holir gen bewnans anweladow.      Dydh Yow, an hwetegves a vis Ebrel 2026  Thursday, the sixteenth of April 2026 Prompt -  Desk...
Post a Comment
Read more

Arvwisk Trevithick

 Ha hedhyw Dydh Trevithick , my a vynnas skrifa neppyth tamm koynt yn solempnyans anodho. Ytho otta bardhonek hag a wra henna (dell waytyav). Ynwedh yth yw prompt #MiSkriBa 25 gen an Poetry Society. As today is Trevithick Day , I wanted to write something a little strange in celebration. So here's a poem that (i hope) does just that. Also it's prompt 25 of #NaPoWriMo from the Poetry Society.   Arvwisk Trevithick Yn y hwelji unweyth moy ow tybri glow ha mortholya mog, yma Trevithick ow pyldya arvwisk ethen. Hatt chymbla a goner gen toll du a gollenk dens prennyer plat ha troyllya yn resyas ilow y honan. Klapp  ha jynn ganow gen keher dur a dremen gonyow, ha lyftya'n mor, hag eva'n kledher. Garrow horn a gesun gen kig, eskern ryvytys. Payn pell  osow kellys yn hebaskans. Goos a lamm dre bibow lettyes yn omsettyans skruth gwaskedh kressyes, hag ow gwaskedh a dhever skruth. An arvwisk a dhewis an lergh, istori krackyes mes kempen, ow ...
Post a Comment
Read more

Dha Jayr

 Termyn hir heb postya meur obma (dell yw usys). Otta bardhonek nowyth a-dro dhe'm tas-gwydn ha'y jayr leska barrednow koth hag yw genev lebmyn. Mar mydnowgh redya moy genev yn fenowggha, my a bost bardhonogow kott war BlueSky yn tabm moy usadow. Been a while without posting here (tell me something new). Here's a short poem about my grandad and his wicker rocking chair that I now have. If you'd like to read more of my work more often, I post short poems on  BlueSky  slightly more regularly. Dha Jayr  Ty a asas legaci, Moy es hanow Po gnasow bejeth, Moy es linen goos Po drolla hwarvosek: Neppyth a-dro dhe jynnow-myji Ha'n gwithans tre.  Ty a'm gasas, Ha'm tas, Ha'm breder. Ty a asas kovyow A viajys tren dhe vys an puskes, A isyow gols dehen brill, A vosow Sul. Ty a asas legaci Ha chayr Hag ynno mayth esedhav Ha tybi ahanas Pub dydh. Your Chair You left a legacy, More than a name Or facial features, More than a bloodline Or the incidental droll: Something ...
Post a Comment
Read more