Tressa dydh MiSkriBa (Mis Skrifa Bardhonieth) 2024 ha hedhyw yma res skrifa bardhonek yeth plen gorwir yn gis Franz Kafka. My a garas skrifa'n bardhonek ma, yn arbennek awos my dhe gara ober Kafka (dell wodhowgh) - ny wrug vy skrifa bardhonek yeth plen a'n par ma kyns, mes yn sur y hwrav vy moy!
An Dehwelans The Return
An kensa den a eth dhe'n efanvos a dhehwelas yn y greun y honan wosa skollya korf metel duw yn ynkladhvaow lorellow y eghen. Gravedh a dennas a-dhyworto pub omglowans a sansoleth ha'y lonchya delergh war-tu ha'n stratobel may hallsens neuvella yn tibreder hag ev ow tasdesedha dhe vewnans norvysel, kamera yn y enep ha mikrofon yn y vranjen. Mar hworta va a-ugh dhe'n ster ha gasa y honan dhe vos dhe goll yn doust an kosmos, an eledh apert re'n gormelsa hag ystyn y vri dres diwedh y honan. Byttele y taskorras, an hus a wodhvos a'n kachyas ha lemmyn yth esa war fordh denkys.
"Pandr'a welsowgh?" yn-medh an bys.
"Hwi," o y worthyp.
Hag y ferwis.
Nyns ov sur my dh'y gonvedhes, mes hedn yw fowt vy, dd!
ReplyDeleteYth esen vy owth assaya junya an gorwir gen drolla personel ha'y gudha y'n efanvos 😂 Kehes ty dhe omlowenhe y redya 😅
Delete