Karr Tarosvannek

My re beu ow hwilas rag an hwedhel ma rag ouryow ha ny allav y drovya. Ny borthav kov a'n lyver may redis yn y gever ha nyns eus travyth yn y gever war an kesrosweyth - Ny styr henn nag yw an drolla ma 'gwir' meus nyns ywa mar gerys-da avel nebes drollow erel a-dhyworth Goon Brenn. Ytho, my a wra y skrifa, mar dha avel y kofhav.

My a yll kofhe ev dhe vos yn lyver yn-kever lien gwerin Kernewek yth esen vy orth y redya y'n lyverva skol yn Lyskerrys - pur serys ov nag allav y gofhe awos y vos lyver pur dha gans meur a bythow didheurek ynno.

Py pynag, an drolla a redis o a-dro dhe hwarvos koynt a hwer y'n niwl war Woon Brenn wosa nos dhe godha. Herwydh an hwedhel, karr, neb hatch-back gwyrdh, a yll bos gwelys war an A30 yn arenebedh Diwotti Jamayka mar pe niwlek. An karr a lew a-dro dhewgh; treweythyow ev a dheu war-tu ha hwi ha treweythyow ev a'gas pass ha lewya a-dherag dhewgh. An dra yw nag eus lewyer po person vyth y'n karr vytholl. Ha wosa ev dhe lewya y'n niwl, jest a-ves a syght, ev a vans. An dra finek a welir a'n karr yw y wolow-fronn ow vansya y'n niwl.

Avel y leveris vy, ny allav trovya moy a gedhlow yn-kever an drolla ma, mes mar kodhowgh moy yn y gever po martesen hwi re'n gwelas unweyth, kestevewgh orthiv!