See the links at the bottom for the story in English/Gweler an kevrennow a-woles rag an drolla yn Sowsnek.
___
An Den Oula yw kroadur avel oula usi gwelys yn arenebedh Mawnan.
Yma derivas a-dhyworth an Cornish Echo yn 1926 a-dro dhe dhew vab a veu chasyes gans edhen pur vras a vynnas aga hachya.
An nessa derivas a dheuth 50 bledhen a-wosa. War an 17ves mis Ebrel 1976, y hwrug diw vowes derivas i dhe weles kroadur meur gans eskelli ow pargesi dre'n eglos yn Mawnan, le mayth esens war dhy'golyow. Herwydh an drolla derowel, yth esens mar ownek wosa gweles an "dhen-edhen bluvennek" meur, yth esa res dhe'n teylu mos tre a-varr a-dhyworth aga dy'golyow. An hwithrer gornaturel Tony Shields a dheuth dhe hwilas an derivas hag ev a'n henwis "Owlman" (Den Oula).
Herwydh ev, gwelys a veu an Den Oula arta yn mis Gwynngala y'n keth bledhen gans diw vowes aral. Y'n drolla ma, yth esa'n mowesi ow kampya pan welsons oula meur gans diwskovarn boyntek, diwlagas a wolowhas ha krabanow.
Deskrifys a veu gans pobel erel dhe vos 1.5 meter (5 tros-hys) hir gans krabanow bleynek war benn y eskelli efan.
An Den Oula re beu gwelys yn arenebedh eglos Mawnans yn 1978, 1979, 1989 ha 1995. Klowys a veu son ughel avel oula yn garth an eglos yn Eglosvelyan y'n vledhen 2000.
Herwydh arbeniger, touryow-eglos yw le kemmyn rag oulys dhe vyldya aga neythow, ytho hemm yw acheson gwirhaval rag an gwelyansow. Nebes pobel a dyb bos an drolla oll hyg gans Tony Shields usi aswonnys rag y hygow.
Awen o an drolla rag an folennik Morgawr: The Monster of Falmouth Bay gans Anthony Mawnan-Peller.
____
Pan en vy flogh, y teuth "the animal people" dhe'm skol yn Darit rag diskwedhes nebes enevales eksotek dhyn, i a dheuth pub bledhen hag ev o neb ughelboynt yn kalender an skol. My a gofha kanstroos, serf ha kevnis meur (na dochis vytholl!).
Py pynag, jest kyns i dhe worfenna, onan anedha a wovynnas dhyn degea agan lagasow awos bos an imach a vynnsons diskwedhes dhyn pur euthik. I a leveris dhyn a-dro dhe'n Den Oula (hag agan dewlagasow deges hwath) hag y fynnsens synsi an imach yn-bann ragon rag deg sekond mar mynnsons gweles skeusen an euthvil a Vawnan.
Person govynnus ov, ytho yth esa res dhymm mires. My a removas ow dewdhorn a'm enep hag own a veu gorrys dhymm. War an folen o imach a veu gwrys yn Microsoft Paint (ogh, Windows 98) a dhen yn dillas loos ha du gans dewlagas rudh hag eskelli. Seyth bloodh en vy dhe'n pols na, ytho na'm barnewgh re rag gordhasoberi - yn hwir yth o our rudh an dhewlagas y'n imach.
My a bes dhe gavos brys-ygor yn-kever an Den Oula a Vawnan. Martesen, yth av vy dhe Vawnan unn jorna dhe hwilas ragdho. Piw a wor...
____
Omglewgh rydh dhe gestava orthav mars usi dhewgh drolla agas honan yn-kever an Den Oula po nebes euthvil Kernowek aral. My a garsa klowes ahanowgh!
Pennfentynnyow:
___
An Den Oula yw kroadur avel oula usi gwelys yn arenebedh Mawnan.
Yma derivas a-dhyworth an Cornish Echo yn 1926 a-dro dhe dhew vab a veu chasyes gans edhen pur vras a vynnas aga hachya.
An nessa derivas a dheuth 50 bledhen a-wosa. War an 17ves mis Ebrel 1976, y hwrug diw vowes derivas i dhe weles kroadur meur gans eskelli ow pargesi dre'n eglos yn Mawnan, le mayth esens war dhy'golyow. Herwydh an drolla derowel, yth esens mar ownek wosa gweles an "dhen-edhen bluvennek" meur, yth esa res dhe'n teylu mos tre a-varr a-dhyworth aga dy'golyow. An hwithrer gornaturel Tony Shields a dheuth dhe hwilas an derivas hag ev a'n henwis "Owlman" (Den Oula).
Herwydh ev, gwelys a veu an Den Oula arta yn mis Gwynngala y'n keth bledhen gans diw vowes aral. Y'n drolla ma, yth esa'n mowesi ow kampya pan welsons oula meur gans diwskovarn boyntek, diwlagas a wolowhas ha krabanow.
Deskrifys a veu gans pobel erel dhe vos 1.5 meter (5 tros-hys) hir gans krabanow bleynek war benn y eskelli efan.
Herwydh arbeniger, touryow-eglos yw le kemmyn rag oulys dhe vyldya aga neythow, ytho hemm yw acheson gwirhaval rag an gwelyansow. Nebes pobel a dyb bos an drolla oll hyg gans Tony Shields usi aswonnys rag y hygow.
Awen o an drolla rag an folennik Morgawr: The Monster of Falmouth Bay gans Anthony Mawnan-Peller.
____
Pan en vy flogh, y teuth "the animal people" dhe'm skol yn Darit rag diskwedhes nebes enevales eksotek dhyn, i a dheuth pub bledhen hag ev o neb ughelboynt yn kalender an skol. My a gofha kanstroos, serf ha kevnis meur (na dochis vytholl!).
Py pynag, jest kyns i dhe worfenna, onan anedha a wovynnas dhyn degea agan lagasow awos bos an imach a vynnsons diskwedhes dhyn pur euthik. I a leveris dhyn a-dro dhe'n Den Oula (hag agan dewlagasow deges hwath) hag y fynnsens synsi an imach yn-bann ragon rag deg sekond mar mynnsons gweles skeusen an euthvil a Vawnan.
Person govynnus ov, ytho yth esa res dhymm mires. My a removas ow dewdhorn a'm enep hag own a veu gorrys dhymm. War an folen o imach a veu gwrys yn Microsoft Paint (ogh, Windows 98) a dhen yn dillas loos ha du gans dewlagas rudh hag eskelli. Seyth bloodh en vy dhe'n pols na, ytho na'm barnewgh re rag gordhasoberi - yn hwir yth o our rudh an dhewlagas y'n imach.
My a bes dhe gavos brys-ygor yn-kever an Den Oula a Vawnan. Martesen, yth av vy dhe Vawnan unn jorna dhe hwilas ragdho. Piw a wor...
____
Omglewgh rydh dhe gestava orthav mars usi dhewgh drolla agas honan yn-kever an Den Oula po nebes euthvil Kernowek aral. My a garsa klowes ahanowgh!
Pennfentynnyow:
Comments
Post a Comment