Arenebedh Balweyth Begh Kittow

Okay, dell my re gonvedhas lemmyn bos re gedhlow a-dro dhe Valyow Bre Garn hag ev a via essa dhe wul gwiasva unigyn ragdha (hag yma onan koth pur dha ragdha seulabrys yn Sowsnek). Mes, awos my a vynn gwitha oll a'w fostow Kernowek warbarth, my re wrug an folen "Hendhyskonieth Dhiwysyansek" rag mayth yns i essa dhe drovya.

Ha lemmyn, war-rag gans ow herdh a-dro dhe'n woon.

______________________________

Begh Kittow.

Nyns eus lower a remenantow a'n hwelyow Kittow, esa rann a Val Karn Soth. Y hyllir gweles an atalvaow meur a-dhyworth an fordh yntra Neyth an Vran ha Pennsilva hag y hyllir kerdhes a-hys an hensi-tram koth a vos dredha yn tu Shafta Holman ha Gonnamena. Mar hwi a vos a-dryv dhe'n atalvaow, y hyllir gweles remenantow fondacyons an jynnjiow.

My a wrug an skeusennow a-woles hedhyw (23/06/2016) ha my ow kerdhes a-derdro Bre Garn dhyworth Shafta Holman ow holya hyns an hen dhowrgleudh byghan.

Ha my ow neshe Shafta Kittow, y hyllis gweles nebes keow rudhvelyn, arwodh bos diskar a-rag.

Ha dell o desevys, yth esa tirslynk byghan y'n shafta.

Tirslynk yn Shafta Kittow.

Gwel finek a'n tirslynk yn fondacyons a jynnji.

Fondacyons onan a'n drehevyansow.

Hemma a vir avel pytt kalter, dell grysav.

Ow mires delergh dhe Shaftys Holman ha Rule. Chymbla yn kres an imach a long dhe jynnji ankoth. Yma chons yth o ev devnydhyes avel jynn-gwynsya rag an hensi-tram, mes nyns o hemma saw tybieth.

Atalvaow bras Shafta Kittow dhyworth an hyns-kerdhes.

Yma moy dhe dhos.