Skip to main content

Payones ha Paynesow

Yth esov vy ow mires orth "The Other Guys" ha'n wologva pan Terry yn-medh "I'm a peacock, you've got to let me fly" (Payon ov vy, res yw dhewgh gasa ow neyja) ha tybis, my re ankevas an Almaynek rag Peacock, del yth vy dh'ow hothman bras (dict.cc) hag a wrug y hwilas.

der Pfau yw ev ha die Pfauhenne yw an baynes.

Martesen vy yw yn-unnik, mes pur hweg yw an geryow-na?

Eylleverowgh wosa vy...

der Pfau (lavarys avel der pfaw)

die Pfauhenne (lavarys avel di pfaw-hen-ne)

Del, pyth a-dro dhe yethow erel?

Wel, ottomma'n Iseldiryek: de pauw ha de pauwhen (pauw avel an PAW yn komigow, hen yw hen)

ha die Pou (di paw) yn Afrikanek ynwedh.

PAUW POU PAUW POU PAUW - ass delit!

Lemmyn dhe'n payones yn Kembra, y paun (eh payn), y beunes (eh beyness). Mar y hwyll bos gwelys, payn meur yns i yn Kembra, ow kagha war an glesinyow ha puptra pub-tydh! Res yw dhedhans bos stoppyes!

Paun yw ev yn Bretonek keffrys, mes ny wonn fatell yw kowsys.


Wel, awotta oll an geryow rag payon my a wor. Del, ottomma imaj a bayon posh my a dhelinyas.

Poynt an post-ma o dhe dhiskwedhes an geryow hweg rag payon in yethow erel had ass hweg yns i! Pfau pauw pou paun paun PAYON! 



Tata!

Comments

Post a Comment

Popular posts from this blog

MiSkriBa 25 - 03/04 - Deray

Tressa assay MiSkriBa 2025 gen an prompt a skrifa bardhonek a dhispleg yn andhidro prag yth os bardh ha na par aral a artydh. Ny wonn mars yw ow assay andhidro, mes y'n dallathis dhe gwartrons dhe hwegh an myttin ma ha'y worfenna wosa gorthugher kerens y'n ober, ytho... The third attempt at NaPoWriMo 2025 with the prompt of writing a poem that obliquely explains why you are a poet and not some other kind of artist. I'm not sure how oblique my attempt is, but I started writing at quarter to six this morning and finished after parents' evening at work, so... Deray My a gar "art". Pub eghen a "art". Pub blas yn kist tesennow "art". My a vynn gul "art", Avel peber "art". Mes py par? Ilewydh yw mester Gen gitar ha band Ow kana hag ow seni Kanow ha sonyow Rag delit an bys. Ottena "art" Ha my bardh. Dramasydh yw mester Gen skrif ha gwisk Ow pewhe pub ger Playys ha gwariow Rag sordya'n brys. Ottena "art...
1 comment
Read more

Dha Jayr

 Termyn hir heb postya meur obma (dell yw usys). Otta bardhonek nowyth a-dro dhe'm tas-gwydn ha'y jayr leska barrednow koth hag yw genev lebmyn. Mar mydnowgh redya moy genev yn fenowggha, my a bost bardhonogow kott war BlueSky yn tabm moy usadow. Been a while without posting here (tell me something new). Here's a short poem about my grandad and his wicker rocking chair that I now have. If you'd like to read more of my work more often, I post short poems on  BlueSky  slightly more regularly. Dha Jayr  Ty a asas legaci, Moy es hanow Po gnasow bejeth, Moy es linen goos Po drolla hwarvosek: Neppyth a-dro dhe jynnow-myji Ha'n gwithans tre.  Ty a'm gasas, Ha'm tas, Ha'm breder. Ty a asas kovyow A viajys tren dhe vys an puskes, A isyow gols dehen brill, A vosow Sul. Ty a asas legaci Ha chayr Hag ynno mayth esedhav Ha tybi ahanas Pub dydh. Your Chair You left a legacy, More than a name Or facial features, More than a bloodline Or the incidental droll: Something ...
Post a Comment
Read more

Platform 4

  Platform 4 An cita ryb ow heyn Ha vyth a-dherag dhymm Saw peulyow fens chayn A'm dege vy yn lymm. My a wort war an kay Gen kledhrennow a ystyn Avel gwythi korf di-way War bub amal yn prison. An kowser na lavar vyth Ha'y glowes na wrav vy Rag bodhar ov dh'y dhyth Ha'n prennyer a welav vy. Ny omglowav saw unnik Y'n awel skav a'm bragg Orth tybi'n taw a'm trevik Ha ri dhis amm hweg. 
Post a Comment
Read more