An Husor Bughes

Ow skath vian a lesk pan av dhe dhowr Angompes war donnow hebask an lynn Yn-dann howlsplann an dohajydh owr Ottomma dalleth an oberen. An roos a synsav a-ugh dhe'm penn Ow lagatta yn-bann, orth an howlsedhes. Ow kortos yth esov an kensa steren Ha'n hwans a wrav wosa hy gweles. Mes moy es henna usi y'm brys Ny vynnav vy gasa an pols dhe vones Y witha bys vykken, an gwella prys, Ha gul dhodho bos rann a'm bones. Y mirav, ow kortos, ow dewdhorn strooth, An dyjyn kann a dheu, mes p'eur yw an govyn. Pan y’n gwelir res yw movya yn tooth, Ha'y gavos genev a-dhyworth an ebron. Gwyns skentel a hweth yn tistowgh hag owth aswon ow thowl y kelow kommol A dheu yn tidro hag an glaw a wra plowgh Hag arenep an dowr ow lemmel. An niwl a sedh hag an roos a godh ow fyllel y amkan a neuvell a-ugh. Ha govyn a wrav a-dhyworth ple teuth? An kloud a worher an logh. Lies nosweyth omma re beu an keth ow tira gans baskettys disawgh. Byttegyns y'm kolon y klowav meth gans tybyansow ow ...

War amal efanvos y sav Yn kres pub steren ha planet owr Splannik a dhiskwedh y honan Yn le menowgh. Losrudh arghansek yw golow Hag yw hwath gweladow orth mires Gans agan dewlagas ughvanylus. Mes dre lens an pellweler Ny yllyn merkya an gwir Dasskeus ow kudha Yn bew an gweder. Y hwelyn kepell hag yth ethen Imajys gwrys gans an penn. My a wel Meurth Ha kria Awos bos ow bysbrynt Ena seulabrys.

Gans trew hag ynk an hengov a holyav ow liva'n bys gans fros. Ow brys ha'm min yw fordh goth a lenwav Gans geryow fresk nag os. An dons ha'n dro gans an dhiwweus a wrav hag ow pleujyowa'n ros. Gans bedh ha kleudh tyller may tiwedhav Ow thavas a vydh kos.

Ottomma diwettha dornskrif an awtour a-vri, Edgar Allan Poe. Ny veu gorfennys kyns ev dhe verwel. An Golowji Gen 1 - 1796. An jydh ma - ow hensa y’n golowji - my a skrif an merkyans ma y’m dydhlyver, avel yth esa agriys gans De Grät. Mar venowgh avel my a yll skrifa’n journal, my a wra - mes nyns eus fordh a leverel pandr’a alsa hwarvos dhe dhen mar dhigoweth kepar ha vyvy - martesen my a glafha, po gweth … Da bys dhe lemmyn! Yth esa skapyans ogas dhe’n skavskath - mes prag gortos gans henna, drefen my dhe vos omma , yn tien salow? Yma’m spyryrsyon ow talleth dasserghi seulabrys, orth an tybyans sempel a vos - rag unweyth y’m bewnans dhe’n lyha - yn tien digoweth ; rag, heb mar, nyns yw Nevyon, mar vras avel y fo, dhe vos prederys avel “kowethas”. A-barth Nevow mar hwrussen vy byth trovya yn “kowethas” unn hanter a gemmys fydh hag y’n ki truan ma: - yn kas an par na martesen ny wrussa “kowethas” ha vy byth diberthi - hogen rag bledhen ……. An dra a’m sodhan an mogha, yw an kaletter es...

Lemmyn an lerghow horn yw gyllys yn tien Nyns eus arwodh aga bos ena kyns. Nyns eus po kosker po kolm po hogen hwenn  Po bothen low towlys y'n prysk. Y neuvell mog hweg, kewni glyb, ha koos bewek Yn losk skeusennow a borth kov a'n howl. Hensi a'ga hembronk hwath y'n brys hwansek An spys yntredha yw toll. An termyn didhiwedh yw kov rag pub huni A wannha hag ow fistenna yn-rag. Mes yn aga mysk yma'n hwythell ow seni Bys vykken bys y'n niwl skav.

Pubonan ow movya yn kylghow Yn-mes a doch Hag a vynnir henna? Ow kul ra'gan honan agan spasow An keth ayr a anellyn Kepar ha pub prys Ytho an kammow a vrasha pella Mar ogas Tir gweladow Ha'n morvleydhes treylyes owth anella Dewgh yn nes Omvyrlyn Nyns eus res a gammdrestya An gwiryonedh Dell yw usys Denvyth na wrer arrestya An keth eson Klewgh, klewgh!

Ottomma treylyans a romans Kembrek Y Dydd Olaf gans Owain Owain, esa keffrys awen rag plassen 2014 a'n keth hanow  gans Gwenno . Deskrifans:   An drolla a hol den henwys Mark dre rannow a'y dhydhlyvrow ha lytherow a recevas ganso dres an 20ves kansvledhen ha Konsel an Brederedh, governans kepar ha broder bras, ow mos ha bos moy powerus. An konsel ma a ynni tus dhe gowsel aga yeth fug dre dhevnydhya rayys studhhe a vynn Mark skapya anedha ha gweres orth diwedha'n termyn distopek ma a dheu. Kedhlow Pella: Y rer an romans ma heb kost war furv e-Lyver. Y hwodhor gras dhe deylu Owain Owain a asa y dreylya ha'y dhyllo yn Kernowek. Y hyllir redya'n romans ma y'n restren dackyes a-is, po y iskarga avel PDF po EPUB dh'y redya war redyor e-lyvrow. Ynwedh, y komprehendir kevren dhe'n romans Kembrek derowel. Iskarga: An Jydh Finek - PDF An Jydh Finek - ePub Y Dydd Olaf