Skip to main content

An Huskynser

An Huskynser

Johann Wolfgang von Goethe

 

Arlodh koth an bystrioryon
res eth hedhyw arta yn kerdh!
Ha nans y tal dh'y spyrysyon
bewa herwydh ow bodh ynwedh
Y er ha'y oberow
re welis ha'n us
ha gans nerth enevow
y hwrav revedh keffrys.

Frosewgh! frosewgh
Trovyewgh fordh vras,
gans an mynnas,
Re frosso dowr
ha leun a lin yw an lester
kemerewgh ev dhe’n badhys oor.

Ha dewgh lemmyn, hwi skubel goth!
Kemerewgh an bern a gwethow;
oll an bewnans hwi re beu keth:
Kollenwewgh lemmyn ow bodhow!
Sevewgh war dhiwarr grev,
a-ugh bydh an penn
fistennewgh hwi yn skav
gans dowr y'n lestryn!

Frosewgh! frosewgh
Trovyewgh fordh vras,
gans an mynnas,
Re frosso dowr
ha leun a lin yw an lester
kemerewgh ev dhe’n badhys oor.

Mirewgh, fatel gerdh hi dhe’n lann,
Yn hwir! Yma dhe'n avon nans,
kettooth ha’n lughes 'teu yn splann
Ottomma gans hager-gowas.
An eyl tro seulabrys!
Ass' hwedh an kelorn!
Ass yw leun an skalys
gans dowrow dre dhorn!

Sevewgh! sevewgh!
Yma genen
an oberen
gwrys yn tien! –
Ogh, my a'n merk! Go vy! go vy!
My re ankovas an geurgan!

Ogh, an ger a dhevnydhyav vy
dh'y gul dhe'n studh may tallathas.
Ogh, y kerdh hag y tre yn strik!
Bedhewgh an skubel yn uskis!
Diveransow nowyth
a dhre hi yn snell,
Ogh! hag avon kanskweyth
a'm soub yn anfel.

Na, na fella
'allav gasa
res hy hachya.
Hemma yw spit!
Ogh! y fydhav vy ownekka
Pana semlant! pana dhelit!

Ogh hwi dhinithyans yfarnow!
A wra'n chi kowal ma beudhi?
My a wel a-ugh dhe'n treudhow
Mes y fros dewragans hwedhi.
Otta skubel debel,
na vynn goslowes
Lorgh, o unweyth marwel,
tewewgh an taves!

A ny vynnowgh
travyth gasa?
Res 'gas kachya,
res 'gas hedhi
hag an prenn koth skav ha menowgh
a wrav gans bool sherp evredhi.

Mirewgh, y teu hi yn syger!
Warnowgh hwi my a wra'm towlel,
tost, hwi vocka, a vydh euver;
gans krack y teu lown an gollel.
Yn hwir, nadhans brav!
Mirewgh, yma dew!
Ha lemmyn y hwaytyav,
ha vyvy hwath bew!

Go vy! go vy!
An dhiw rann na
'sav orth hastya
ha kethyon barys
seulabrys ymons ow servya!
Harow, ogh! Hwi nellow kerys!

Hag y kerdhons! Glyb ha glyppa
a vydh an hel hag an grisyow
Pana dhowrow down euthykka
Syr hag Arlodh! Klow ow galow! – 
Ogh, an Arlodh a dheu!
Syr, yma peryl
Ott ow tharosvannow
na yll diswruthyl.

"Yn an kernow
Skubel, Skubel!
Bedhewgh tawel.
Awos hwi 'wor
galow agas mynnas a dheu
yn unnik gans agas Mester!"

Comments

Post a Comment

Popular posts from this blog

MiSkriBa 2026 - An tressa rann

  Yow oll,   Ottomma ow thressa kuntel a vardhonogow rag MiSkriBa 2026! Here are my third set of poems for NaPoWriMo 2026!  (sorry, there aren't any translations yet, I've been a bit busy). Dydh Mergher, an pymthegves a vis Ebrel 2026  Wednesday, the fifteenth of April 2026 Prompt -  Eskerdh a-dro dhe'n stock  / Expedition around the base (Poetry Society) Bewnans anweladow Yn gis an asfalt nowydh A glowir der an veister.  Chiow kroglennow deges Ow mires yn kas orth tremenysi Dell welir yn an mirour.  Arghow gorheryow lows A glapp dydh aral kellys A nakevir prys wosa prys.  Kan jynn karr ha ronk kyttrin A rol yn loos dre dermyn Na niverir vel viajys gwir.  Gwedrow ster a wel an loor Yn goos seudhelyow divegh Dell dhonsir garrow trist.  Ke prennyer dur a wra milva A vys breek istori A holir gen bewnans anweladow.      Dydh Yow, an hwetegves a vis Ebrel 2026  Thursday, the sixteenth of April 2026 Prompt -  Desk...
Post a Comment
Read more

Arvwisk Trevithick

 Ha hedhyw Dydh Trevithick , my a vynnas skrifa neppyth tamm koynt yn solempnyans anodho. Ytho otta bardhonek hag a wra henna (dell waytyav). Ynwedh yth yw prompt #MiSkriBa 25 gen an Poetry Society. As today is Trevithick Day , I wanted to write something a little strange in celebration. So here's a poem that (i hope) does just that. Also it's prompt 25 of #NaPoWriMo from the Poetry Society.   Arvwisk Trevithick Yn y hwelji unweyth moy ow tybri glow ha mortholya mog, yma Trevithick ow pyldya arvwisk ethen. Hatt chymbla a goner gen toll du a gollenk dens prennyer plat ha troyllya yn resyas ilow y honan. Klapp  ha jynn ganow gen keher dur a dremen gonyow, ha lyftya'n mor, hag eva'n kledher. Garrow horn a gesun gen kig, eskern ryvytys. Payn pell  osow kellys yn hebaskans. Goos a lamm dre bibow lettyes yn omsettyans skruth gwaskedh kressyes, hag ow gwaskedh a dhever skruth. An arvwisk a dhewis an lergh, istori krackyes mes kempen, ow ...
Post a Comment
Read more

Dha Jayr

 Termyn hir heb postya meur obma (dell yw usys). Otta bardhonek nowyth a-dro dhe'm tas-gwydn ha'y jayr leska barrednow koth hag yw genev lebmyn. Mar mydnowgh redya moy genev yn fenowggha, my a bost bardhonogow kott war BlueSky yn tabm moy usadow. Been a while without posting here (tell me something new). Here's a short poem about my grandad and his wicker rocking chair that I now have. If you'd like to read more of my work more often, I post short poems on  BlueSky  slightly more regularly. Dha Jayr  Ty a asas legaci, Moy es hanow Po gnasow bejeth, Moy es linen goos Po drolla hwarvosek: Neppyth a-dro dhe jynnow-myji Ha'n gwithans tre.  Ty a'm gasas, Ha'm tas, Ha'm breder. Ty a asas kovyow A viajys tren dhe vys an puskes, A isyow gols dehen brill, A vosow Sul. Ty a asas legaci Ha chayr Hag ynno mayth esedhav Ha tybi ahanas Pub dydh. Your Chair You left a legacy, More than a name Or facial features, More than a bloodline Or the incidental droll: Something ...
Post a Comment
Read more